I created this blog to keep these informations with me because its interesting and i am also interested in reading such things .. if you like my blog please join and keep reading >>> This is a place to Read Alternate History , Conspiracy , Secret Societies , Occult , Secret technologies . Above Top Secret stuff, Metaphysics etc.... Respect the IT Act and other Laws ..You are only responsible for your own comments here . .Become Part of Our Smart Readers Community and Enjoy Free updates directly to your Inbox.(No Spam,No virus , We Promise) posts are copied from Facebook and such medias thank you..

ബ്ലൂ കോറല്‍


ലോകത്തിലെ വിഷപ്പാമ്പുകളില്‍ ഏറ്റവും മാരകമായ വിഷമുള്ള പാമ്പാണ് തലയിലും, വാലറ്റത്തും കടുത്ത ചുവപ്പു നിറവും, ദേഹം മുഴുവന്‍ നീല നിറവുമുള്ള ബ്ലൂ കോറല്‍. വിഷത്തിൻെറ കാഠിന്യം മൂലം കൊലയാളികളിലെ കൊലയാളിയെന്നാണ് ഇവ പൊതുവെ അറിയപ്പെടുന്നത്. പാമ്പുകളുടെ രാജാവായ രാജവെമ്പാലയുടെ വിഷം പോലും ഇവക്കു തെല്ലും ഏശില്ല. അതുകൊണ്ട് തന്നെ ഇവ പലപ്പോഴും ആഹാരമാക്കുന്നത് വലിപ്പം കുറഞ്ഞ രാജവെമ്പാലകളെയാണ്. മനുഷ്യ സാമീപ്യമുളളിടത്ത് അധികം കാണപ്പെടാത്ത ഇവയുടെ സ്വദേശം തെക്കന്‍ ഏഷ്യയാണ്. 2 മീറ്ററോളം നീളം വരുന്ന ഇവയുടെ വിഷഗ്രന്ഥിയുടെ നീളം ഏതാണ്ട് 60 സെന്‍റീമീറ്റര്‍ വരും.
രക്തത്തിലൂടെ അതിവേഗം സഞ്ചരിക്കുന്ന ഇവയുടെ വിഷത്തിന്‍റെ പ്രത്യേകത മൂലം, ഈ വിഷത്തെ വേദനാ സംഹാരിയായി ഉപയോഗിക്കാന്‍ കഴിയുമെന്നാണ് ഗവേഷകരുടെ കണ്ടെത്തൽ. ഈ പാമ്പിന്‍റെ വിഷത്തെ സംബന്ധിച്ച വിശദാംശങ്ങള്‍ അടുത്ത കാലം വരെ നമുക്ക് അജ്ഞാതമായിരുന്നു. ഓസ്ട്രേലിയന്‍ ഗവേഷകരാണ് ഏറെ നളത്തെ ശ്രമങ്ങള്‍ക്കൊടുവിൽ ബ്ലൂ കോറലിന്‍റ വിഷത്തില്‍ നിന്നു വേദന സംഹാരി ഉൽപാദിപ്പിക്കാം എന്നു കണ്ടെത്തിയത്.
പേരിന് ഇവ കൊലയാളികളിലെ കൊലയാളി എന്നൊക്കെയാണ് അറിയപ്പെടുന്നതെങ്കിലും, മറ്റുപല ജീവി വര്‍ഗ്ഗങ്ങളെയും പോലെ ഇവയും നമ്മുടെ ഈ ഭൂമിയിൽ സുരക്ഷിതരല്ല. തെക്കനേഷ്യന്‍ രാജ്യങ്ങളിലെ വനനശീകരണം മൂലം ഇവയുടെ എണ്ണം അപകടകരമാം വിധം കുറഞ്ഞു വരികയാണ്...

രക്തത്തിന് പച്ച നിറമോ?


രക്തത്തിന് ചുവപ്പിൽ നിന്നും മാറി പച്ച നിറം വരുന്ന അപൂർവ്വ രോഗാവസ്ഥയെപ്പറ്റി കേട്ടിട്ടുണ്ടോ? രക്തത്തിന് പച്ച നിറം വരുന്ന രോഗമാണ് Sulfhemoglobinemia.രക്തത്തിന് ചുവപ്പു നിറം നൽകുന്ന Hemoglobinൽ സൾഫർ ആറ്റങ്ങൾ ചേർന്നു കൊണ്ട് Sulfhemoglobin ഉണ്ടാകുന്നു.രക്തത്തിൽ ഇതിന്റെ അളവ് ഉയരുമ്പോഴാണ് ഈ രോഗാവസ്ഥയുണ്ടാകുന്നത്.ഇതിന്റെ അനന്തരഫലമായി രക്ത കോശങ്ങൾക്ക് ഓക്സിജൻ വഹിക്കാനുള്ള ശേഷി നഷ്ടപ്പെടുന്നു.ശരീരത്തിലെ എല്ലാ കോശങ്ങൾക്കും അത്യാവിശമായി വേണ്ട ഘടകങ്ങളിൽ ഒന്നാണ് ഓക്സിജൻ.
സൾഫർ അടങ്ങിയ മരുന്നുകളുടെ(drugs) അമിത ഉപയോഗം കൊണ്ട് ഈ അവസ്ഥ വരിനിടയുണ്ട്.Sulphonamides, Sulfasalazine,Phenazopyridine എന്നീ സംയുക്തങ്ങളുടെ ഉപയോഗവും Sulfhemoglobinemiaക്കു കാരണമാകാം.ഇത്തരം അവസ്ഥകളിൽ രക്ത നിവേശനത്തിലൂടെ (Blood transfusion) ഒരു പരിധി വരെ രോഗത്തെ ചെറുക്കാം.
2007 ജൂൺ 8ന് ക്യാനഡയിൽ ഈ രോഗം റിപ്പോർട്ട് ചെയ്തിട്ടുണ്ട്.Vancouver's At.Paul ആശുപത്രിയിലായിരുന്നു സംഭവം. മധ്യവയസ്കനായ ഒരാളുടെ രക്തം പച്ച നിറത്തിൽ കാണപ്പെടുകയുണ്ടായി.Dr.Stephan Schwartz, Dr.Alana Flexman, Dr.Giuseppe Del Vicario എന്നിവർ ഈ അപൂർവ്വ രോഗാവസ്ഥയ്ക്കു സാക്ഷിയായി.സൾഫർ സംയുക്തമായ Sumatriptan മരുന്നിന്റെ അമിത ഉപയോഗം കാരണമാണ് ഈ രോഗാവസ്ഥയുണ്ടായതെന്ന് ഡോക്ടർമാർ വിധിയെഴുതി.ഈ രോഗത്തിന്റെ പൂർണ്ണമായ വിശകലനങ്ങൾ ഇനിയും നടക്കേണ്ടതായുണ്ട്.

കള്ളനും ദേവിയും . ഇത് കുഞ്ഞികുന്നിലെ ദേവിയുടെ കഥയാണ് .

കള്ളനും ദേവിയും .. ഇത് .. കുഞ്ഞികുന്നിലെ ദേവിയുടെ കഥയാണ് .

കുഞ്ഞികുന്ന് എന്റെ അയൽ ഗ്രാമമാണ് .അവിടെ എത്തിയാൽ പിന്നെ കേൾക്കുന്നത് മുഴുവൻ കുഞ്ഞിക്കാവിലെ (കുഞ്ഞികുന്നിലെ ദേവീ ക്ഷേത്രമാണ് കുഞ്ഞികാവ് )ദേവിയെ പറ്റിയാണ് . വളരെ പഴക്കം ചെന്ന ഒരു അമ്പലം . ചുറ്റും വയൽനിറഞ്ഞ പച്ചപ്പിന്റെ നടുക്കാണ് ആ ദേവീ ക്ഷേത്രം . വയലിന്റ നടുക്കായി ഒരു ചെറിയ കാട് തന്നെയുണ്ടെന്ന് പറയാം .പക്ഷേ എന്താണ് ഇത്ര പ്രസിദ്ധമായ അമ്പലം പൂജയൊന്നുമില്ലാതെ മുടിഞ്ഞു കാടുകയറികിടക്കുന്നതു ! ഞാൻ അടുത്ത ഗ്രാമത്തിലുള്ള ആളാണെന്നു പറഞ്ഞുലോ .പഠിച്ചതും വളർന്നതും ബോർഡിങ്‌സ്കൂളിൽ ആണ് അതുകൊണ്ടുതന്നെ എന്റെ 21 ആമത്തെ വയസിലാണ് അടുത്തുള്ള നാട്ടിൽക് പോകുന്നതുതന്നെ . ഇവിടെ എത്തിയപ്പോ എന്തോ എനിക്കറിയില്ല ഈ മുടിഞ്ഞ അമ്പലമാണ് എന്നെ കാത്തു ഇത്രയും വർഷം ഇരുന്നതെന്നു തോന്നിപോവ ... ചിലപ്പോ എന്റെ നാട്ടിലുൾപ്പടെ കേൾക്കുന്ന ദൈവവും ഭൂതവും പ്രേതവും നിറഞ്ഞ കഥകൾ ഉത്ഭവിച്ചു എന്നുപറയപെടുന്നത് പുരാതനമായ ഈ ക്ഷേത്രത്തിൽ നിന്നായതുകൊണ്ടാകാം . എല്ലാ യാത്രകൾക്കും അതിന്റെതായ ഒരു ലക്ഷ്യമുണ്ട് അതുകൊണ്ടുതന്നെ എന്റെ ഇവിടേക്കുള്ള വരവിനുപിന്നിലും ഒരു ഉദ്ദേശമുണ്ടെന്നുവെച്ചോളു .... സുന്ദരമായ ഈ ഗ്രാമത്തിന്റെ പുഴയോരത്തുള്ള ചായക്കടയിൽനിന് ചൂടുള്ള ഒരു കട്ടൻചായ ,മേശപുറത്തുവച്ചിരിക്കുന്ന റേഡിയോ ശബ്ദം കേട്ട് കുടിക്കുമ്പോ എന്തോ മനസിന് നല്ല തണുപ്പുതോന്നിപോകുന്നു . അവിടെ എന്റെ അടുത്തിരുന്നു ചായകുടിച്ചിരുന്ന വലിയ കറുത്ത കണ്ണട വച്ച അപ്പുപ്പൻ .!വെള്ളെഴുത്തു ഓപ്പറേഷൻ കഴിഞ്ഞിരിക്കയാണ് .അതാ മുഖത്തിനു ചേരാത്ത ഒരു കണ്ണട .അപ്പുപ്പനോട് മിണ്ടിയും പറഞ്ഞുമിരിക്കുന്നതിനിടയിൽ എന്നെ ഇവിടെ ആകർഷിച്ച അമ്പലത്തെപ്പറ്റിയും ചോദിക്കാൻ മറന്നില്ല . കൂടുതൽ കൂടുതൽ അറിയാൻ ഒരു മോഹം .പക്ഷേ അറിഞ്ഞത്‌ അമ്പലം മുടിയാൻ കാരണം അവിടത്തെ ദേവിതന്നെയാണെന്നാണ് !!!! ദേവി , ആ ഗ്രാമത്തെ ഉപേക്ഷിച്ചു എന്നാണു അദ്ദേഹംപറയുന്നത് .........പണ്ട് ആ ഗ്രാമത്തിന്റെ ഐശ്വര്യത്തിന്റെയും സമ്പന്നതയുടെയും രോഗനിവാരണത്തിന്റെ പോലും കാരണം ഈ അമ്പലമായിരുന്നു . ദേവിയുടെ മഞ്ഞൾപൊടിപുരട്ടിയാൽ മാറുന്ന രോഗമേ ഈ നാട്ടുകാർക്കു അക്കാലത്തുവന്നിരുന്നുളൂ .ഇതിൽ ഏറ്റവും വിഷ്ടമായതു എന്താന്നുവച്ചാൽ കുഞ്ഞുങ്ങൾ ഇല്ലാത്തവർ വർതംനോറ്റ് ഇവിടെവന്നു പ്രാർത്ഥിച്ചു ദേവിയുടെ പ്രസാദം കഴിച്ചാൽ ഫലം നിശ്ചയം ! അത്രകണ്ട് ഈഗ്രാമത്തെ രക്ഷിച്ചിരുന്ന ദേവി ഞങ്ങളെ...ഉപേഷിച്ചുപോയ് .ആരുചെയ്ത പാപമാണോ അറിയില്ല കുഞ്ഞേ ................ ഹേ ... അതെന്താ അപ്പൂപ്പാ അങ്ങനെ പറയണത് .... കുഞ്ഞേ ദേവിക് വെളിച്ചപ്പെടാൻ ഇവിടൊരു വെളിച്ചപ്പാടുണ്ടോ ഇല്ലാ ഇല്ലാ ..... അദ്ദേഹത്തിന്റെ ശബ്ദം ഇടറി . എന്താ അപ്പൂപ്പാ എനിക്കു ഒന്നും മനസിലാവണില്യ . മോനെ ... ഇവിടെ എന്റെ ഗ്രാമത്തിൽ എല്ലാ വർഷവും ഒരു ആചാരമുണ്ട്.. മീനമാസം 1 ന് വർതംനോറ്റ് ,ഇന്നേക്ക് 5 ആം നാൾ ഈ നാടുമുഴവനും ദേവിയെക്കാണാൻ പോകും ദേവി .... എന്റെ അമ്മേ ഈ വർഷമെങ്കിലും നിന്റെ കണ്ണു തുറക്കണേ അടിയങ്ങളെ കൈവിടരുതേ അമ്മേ ...... മോനെ.. എല്ലാരും പോകുന്നത് ദേവിയാരെയെങ്കിലും ഒരാളെ അനുഗ്രഹിക്കുമോ എന്നറിയാൻ വേണ്ടിയാണു . ദേവി അനുഗ്രഹിച് കൈവെള്ളയിൽ അമ്മയുടെ അനുഗ്രഹം പോളച്ചുനിൽകുന്നത് കാണണം. .............. അപ്പൂപ്പാ ചിക്കൻപോക്സ് ആണോ ഉദ്ദേശിച്ചത് . !!!...ഹാ ..അതെ കുഞ്ഞേ അതുതന്നെ പക്ഷെ ഒരു രോഗമായി നിൽക്കാനല്ല ഇവിടെ അത് വരുന്നത് കൈവെള്ളയിൽ അമ്മയുടെ അനുഗ്രഹം ലഭിച്ചു 'അമ്മ പ്രസാധിച്ചുവെന്നു ഇവിടുത്തെ മനയ്ക്കലെ നമ്പൂരിക്ക് ബോധ്യം വരുന്ന നിമിഷം അത് തനിയെ മാഞ്ഞുപോകും . അങ്ങിനെ ദേവീ തിരഞ്ഞെടുക്കുന്ന ആൾക്കുമാത്രമേ ഉത്സവത്തിന് വിളക്കെടുക്കാൻ സാധിക്കു .മുറപ്രകാരം വിളക്കെടുക്കുന്ന ആൾക്കു വേണമെങ്കിൽ ദേവിയുടെ വെളിച്ചപ്പാടായി തുടരാം . ഇങ്ങനെ ദേവിതിരഞ്ഞെടുത്ത ആളു മരിക്കുന്നതുവരെ വരെ വിളക്കെടുക്കാൻ അദ്ദേഹത്തിനു മാത്രേ അധികാരമുള്ളൂ . ഇതിപ്പോ ശരിക്കുംപറഞ്ഞാൽ 22ആം വർഷമാണ് എല്ലാം മുടങ്ങിയിട്ട് .ഞങ്ങൾക്കു എല്ലാര്ക്കും ദൈവതുല്യനായ ആ മനുഷ്യൻ അമ്മയുടെ വെളിച്ചപ്പാട് അദ്ദേഹം മരിച്ചതിൽ പിന്നെയാ അമ്പലം നശിച്ചത് . അദ്ദേഹമില്ലാതെ വിളക്കെടുക്കാൻ ആളില്ലാതെ ഉത്സവം മുടങ്ങി ദേവീ ചൈതന്യം നശിച്ചു . ഉത്സവം നടന്നില്ലെങ്കിൽ അമ്പലത്തിപ്പിന്നെ പൂജചെയ്യാൻ പാടില്ല . നിത്യപൂജ മുടങ്ങി . അമ്പലം അടച്ചിട്ടു ,ദാരിദ്ര്യം കാരണമായിരിക്കും വിഗ്രഹത്തിന്റെ സ്വർണ പതക്കം പൂജാരി മോഷ്ടിച്ചു എന്നാണ് പറയുന്നത് അയാൾ പിന്നീട് ആത്മഹത്യ ചെയ്യുകയാണ് ഉണ്ടായത് .വർഷങ്ങൾ കഴിഞ്ഞു ഇപ്പോ ഇങ്ങനെയായി . മുഖത്തുള്ള വലിയ കറുത്ത കണ്ണട മാറ്റി അദ്ദേഹം കണ്ണുനീരു തുടച്ചു .ഈ നാടിന്റെ എല്ലാ ഐശ്വര്യവും പോയിമോനെ ഇനി ഒരുത്സവം കാണാനുള്ള ഭാഗ്യം എനിക്കുണ്ടാകുമെന്നു തോന്നുന്നില്ല ... ഈ നാട്ടിലുള്ളവർക്കൊക്കെ പറയാനുള്ളതാണ് അപ്പുപ്പൻ പറഞ്ഞതെന്ന് എനിക്കുതോന്നിപോവ ...കാരണം ഇവിടത്തുകാർക് അത്രകണ്ട് ഈ അമ്പലവുമായി മാനസിക ബന്ധമുണ്ട് അതിൽ ജാതിയോ മതമോ ഇല്ലാ .......... നേരം സന്ധ്യയായി നേരെ അമ്പലത്തിലേക്കാണ് യാത്ര.... അവിടേക്കു സന്ധകഴിഞ്ഞു പോകുന്നതിൽ ഒരു ശരിയില്ലായ്മ ഉണ്ട് അല്ലേ ... പക്ഷേ എനിക്ക് പോകാൻ തോന്നുന്നു . കുഞ്ഞിക്കാവിന്റെ അടുത്തെത്തിയപ്പോ എന്തെന്നില്ലാത്ത ഒരു അനുഭൂതി . എന്തോ ഒരു പ്രേത്യേകത .അവിടെ ചുറ്റും ഇരുട്ടായിരുന്നു .എന്റെ ബൈകിന്റെ ലൈറ്റ് ഓൺ ആക്കിവച്ചുഞാൻ ... തിരിച്ചുപോയാലൊന്നാണ് ആലോജിക്കുന്നത് കാരണം ഇവിടുത്തെ കെട്ടുകഥകളെ പേടിച്ചിട്ടല്ല ..പക്ഷേ ഇഴജന്തുക്കളെ പേടിയാണ്... അല്ലെങ്കിലും ഈ ഇരുട്ടത്ത് കഴിച്ചുകൂട്ടുന്നു എങ്ങിനെയാണ് ഒരു തോന്നലിനു എടുത്തുചാടുകയും ചെയ്തു ..ഇനി എന്ത് ന്നു ആലോചിക്കുമ്പോഴാ കുഞ്ഞിക്കാവിന് കുറച്ചകലെ ഒരു വെളിച്ചം കാണുന്നത് . അവിടേക്കു തന്നെയാകാം യാത്രയെന്ന് ഉറപ്പിച്ചു . ഒരു കുടിലായിരുന്നു അത് . കേറിചെന്നപ്പോ എന്റെ അച്ചമ്മേടെ പോലത്തെ ഒരു സുന്ദരി മുത്തശ്ശി . നല്ല നാടൻവെത്തില നിവർതി അതിൽചുണ്ണാബു തേച്ചുപിടിപ്പിക്കുകയാണ് കക്ഷി . എന്നേ കണ്ടതും മുറുകി ചുവന്ന പല്ലില്ലാത്ത ആ വായ്കൊണ്ടു നീ ഏതാടാ ന്നു ഒരുചോദ്യം . ഞാൻ ഇവിടെയടുത്തുള്ളതാണ് മുത്തശ്ശി ,വെറുതേ കുഞ്ഞികാവ് കാണാൻവന്നതാ ... ടാ ... ചെക്കാ രാത്രി സമയത്താണോ നീ ക്ഷേത്രത്തിലേക്ക് പോണത് .ദേവീടെ ശക്തിക്ഷയിച്ചിരിക്കണ സമയമാ .... ഈ നേരത് ആരൊക്കെയാ അവിടെ വാസമെന്ന് അറിയോ നിനക്ക് . നിന്റെ വണ്ടിടെ ലൈറ്റ് കണ്ടപ്പോഴാ ഞാൻ ഈ വിലക്കു കത്തിച്ചത് .രാത്രി ആരെങ്കിലും വഴിത്തെറ്റിവന്നതാകുന്നാ കരുതിയെ ..... അതുനന്നായ് മുത്തശി എനിക്ക് തിരിച്ചുപോകേണ്ടിവരുമെന്നാ കരുതിയെ ഇതിപ്പോ ഇന്നു ഇവിടെവിടെലും കഴിച്ചുകൂട്ടലോ സമാധാനം .നീ ആളു മിടുക്കനാണലോ ...രാത്രി ഇവിടെനിന്നോളാൻ ഞാൻപറഞ്ഞോ?? വേഗം വീട്ടിലേക്കു പോകാൻ നോക്ക് ചെക്കാ .... ........ ....... ഈ രാത്രി ഞാൻ എങ്ങനെ പോകാനാണ് മുത്തശ്ശി ഞാൻ വിഷ്ണുമംഗലം ദേശത്തുള്ളതാ . ഒരുപാടുവഴി യാത്രയുണ്ട് . ഇന്ന് ഒരു രാത്രി ഞാൻ ഈ തിണ്ണയിൽ കിടന്നോളാം . ...... ... ഹാ ..എന്റെമോന് സെക്യൂരിറ്റി പണിയാ കല്യാണമൊന്നും കഴിച്ചിട്ടില്ല .....അവൻ ഡ്യൂട്ടിക്ക് പോയാപ്പിന്നെ ഞാൻ ഒറ്റകാ . ഒറ്റക്കാകുമ്പോ എല്ലാർക്കും സങ്കടമാണ് . ഇന്നു രാത്രി എനിക്കുവയ്യാതായപോലും രാവിലയെ എന്റെ മോനത് അറിയൂ ..ഇന്ന് നീയിവിടെ വേണമെന്നായിരിക്കും ദേവീ ടെ നിശ്ചയം .അതൊക്കെ പോട്ടെ എന്താ നിന്റെ വരവിന്റെഉദ്ധേശം . ....? ഒന്നൂല്യ വെറുതേ ഈ നാടും ഈ അമ്പലവുമൊക്കെ ഒന്നു കാണാൻ ... മോനെ നിനക്കെന്റെ പേരകുട്ടിടെ പ്രായംപോലുമില്ല കള്ളം പറയാതെ എന്താകാര്യന് തുറന്നുപറഞ്ഞോ .. ... മുത്തശ്ശി cid ആണോ .. മുത്തശ്ശിയോടായതുകൊണ്ടു പറയാം ..മുത്തശ്ശിയെ എനിക്ക് അത്രക് ഇഷ്ടമായി . എന്റെപ്രായത്തിലുള ഒരുആൺകുട്ടി ഇങ്ങനെ ഇറങ്ങിത്തിരിക്കണമെങ്കിൽ എന്തായിരിക്കും കാരണം എന്റെ മുത്തശ്ശി പറ .......... ഹാ ...നിക്ക് അറിയാം എന്നാലും ഉണ്ണി പറയ്യു .. മുത്തശ്ശി കേൾക്കട്ടെ ....ഇനിയിപ്പോ നമ്മുക്കുകുറച്ചുനേരം മിണ്ടിയും പറഞ്ഞുമൊക്കെ ഇരികാലോ..... മുത്തശ്ശി ...എനിക്കൊരു കുട്ടിയെ ഇഷ്ട്ടമാ . ഇടക്ക് എന്റെ നാട്ടിലുവച്ചാണ് അവളെആദ്യം കണ്ടത്‌ .പിന്നീട്‌ അത് പതിവായി .എന്റയിഷ്ടം അവളെ അറിയിക്കണം എന്ന് ഉറപ്പിച്ചതായിരുന്നു .പറ്റിയില്ല .. അന്ന് അവളുവന്നില്ല . പിന്നീടങ്ങോട്ടു അവളെ കാണാൻ പറ്റിയുമില്ല .അവളെ കാണാതെ എനിക് പറ്റില്ലാന്ന് ആയപ്പോ തേടി ഇറങ്ങിതാ ഞാൻ .... അനേഷിച്ചപ്പോ വീട് ഇവിടെയാണ് ന്നാണ് അറിയാന്കഴിഞ്ഞതു .പിന്നെ ഒന്നും ആലോചിച്ചില്ല .ഇവിടെയെത്തിയപ്പോ അവളെക്കാൾ മുൻപേ ഈഅമ്പലം കാണണമെന്നുതോന്നിപ്പോയി സത്യം .... അതാ ഈ രാത്രിതന്നെ പോന്നത് ..ഇനി ഇവിടെ വെല്ല യക്ഷിയേയും കാണാന് സാധിച്ചാലോ ഹ ..ഹ...ഹാ ....... മോനെ മതിനിർത്തു .അസമയത് ഇങ്ങനെയൊന്നും പറയാൻപാടില്ല .! മനസിലായോ .... മുത്തശ്ശിയുടെ മുഖത്തെ ഐശ്വര്യവും കുഞ്ഞിക്കുട്ടികളെപോലെ ലാളിത്യം നിറഞ്ഞ ആ ചിരിയും കാണാൻ എന്തു ചന്തമാ ... മുത്തശ്ശി എന്നാ എനിക്കൊരു കഥകേൾക്കണം ...മുത്തശ്ശിക്ക് അറിയോന്നു നോക്കണ്ടേ ..... ..... എന്താ ..? ഏതു കഥയാ ഉണ്ണീ .... നമ്മുടെ മുൻപിൽകാണുന്ന കാടുപിടിച്ചുകിടക്കുന്ന ഈ അമ്പലത്തെപ്പറ്റി പറഞ്ഞുതരോ ... കുറെയൊക്കെ ഞാൻകേട്ടു വെളിച്ചപ്പാട് മരിച്ചതും പൂജാരി ആത്മഹത്യ ചെയ്തതുമൊക്കെ ... ...... അത് പറഞ്ഞതും സ്‌നേഹംനിറഞ്ഞ ആ കണ്ണുകൾ ക്രോധം നിറഞ്ഞു ജ്വലിക്കുന്നത് ഞാൻ കണ്ടു ...... ആത്മഹത്യയോ കൊലപാതകമാണ് .മുത്തശ്ശി അലറി .ഉണ്ണീ ....എന്താ സംഭവിച്ചെന്ന് കേട്ടോളു .. കുട്ടികളില്ലാത്തവർക് വർതം നോറ്റു ദേവിയുടെപ്രസാദം കഴിച്ചാൽ അവർക്കു ഫലപ്രാപ്തി ലഭിക്കുമെന്നാ ഈ അമ്പലത്തിലെ വിശ്വാസം ..ഇതുകേട്ടറിഞ്ഞു ദൂരെ ദേശത്തുള്ളവരും ഇവിടെവന്നു പ്രാർത്ഥിച്ചു ഫലപ്രപ്തി നേടി പോകാറുണ്ട് . ഒരു തവണ ....ഒരു കുടുംബം ഇവിടെതൊഴാൻവന്നു .... അവർക്കും മക്കളില്ല അയാളുടെ ഭാര്യ കരഞ്ഞു പ്രാര്ഥിക്കുന്നുണ്ടായിരുന്നു പക്ഷേ വെളിച്ചപ്പാട് മരിച്ചു നാലാം നാളായിരുന്നു അത് . നിത്യ പൂജ മുടങ്ങിയ സമയം . ദേവീ ടെ പ്രസാദവുമില്ല ഫലപ്രാപ്തിയുമില്ല ...ആകെയുള്ള പ്രതീക്ഷ നഷ്ടപ്പെട്ടതിൽ ൽ അവിടെവന്നു മടങ്ങിയ മറ്റു ദമ്പതിമാരെ പോലെ അവരും ആകെ തകർന്നു . പക്ഷെ അയാളെ ഞാൻ പിന്നെയും കണ്ടു ...!! ഒരു രാത്രി ..!!! അയാളുടെ കൂടെ വേറെ ഒരാളുകൂടി ഉണ്ടായിരുന്നു .. എവിടെയോ മോഷ്ടിക്കാൻ പോയി പിടിക്കപെടാതിരിക്കാൻ ഒളിച്ചതു എന്റെകുഞ്ഞിക്കാവിലാണ് . .................,.... ടാ ..... ഇതെവിടാ സ്ഥലം . ഇവിടെ ഞൻ വന്നിട്ടുണ്ട് .ഇതൊരു മുടിഞ്ഞഅമ്പലമാണ് . എന്റെ ഭാര്യയും ഞാനും കുറച്ചുദിവസം മുൻപ് ഇവിടെ വന്നിരുന്നു . ................. ഇന്ന് ഇത്രയും കഷ്ടപ്പെട്ടിട് ഒരു കാര്യവും ഉണ്ടായില്ല .................... ടാ അതുപറയാൻ വരട്ടെ ഇവിടത്തെ പ്രീതിഷ്ഠയുടെ കിഴെ ഒരു സ്വർണ പതകം ഉണ്ട് ...വന്ന സ്ഥിതിക്ക് അത് എടുകാം .......അതുവേണോ ദേവീ കോപിച്ചാലോ . ???.. ഒരു ഓലകയുമില്ല .. അത്രക്കു ശക്തിയൊന്നും ഇപ്പോ ഇവിടെയില്ല ..ഇവിടെയിപ്പോ പൂജയൊന്നുമില്ല . പക്ഷേ രാവിലെ ആ പൂജാരി നാടക്കലിരുന്നു കരയുന്നതു അന്ന് ഞാൻകണ്ടിരുന്നു .. അയാള്‌ രാവിലെ വന്ന് കാണ്ടാലേ ഇത്‌ ആളുകളറിയൂ .. അല്ലെങ്കിൽ ഒരുകുഴപ്പവുമില്ല .. .... അങ്ങിനെ അവരതു മോഷിച് കടന്നുകളഞ്ഞു . ....പാവം ആ പൂജാരി ഗർഭിണിയായ ഭാര്യയെ പോലും പറ്റി ചിന്തിക്കാതെ എന്നും ഈ നടക്കല് വന്നിരുന്നു കരഞ്ഞിരുന്നു .ഒന്നുമറിയാത്ത ആ പാവം കള്ളനായി ....ആളുകളുടെ അധിക്ഷേപം സഹിക്കവയ്യാതെ സ്വയം ഹത്യ ചെയ്തു .നിനക്കറിയണ്ടേ ആ കള്ളന്റെ പേര് ഈ നാടിനറിയാത്ത നാട്ടുകാർക്കറിയാത്ത ....കള്ളൻ . അച്യുതൻ .....നിന്റെയച്ഛൻ . ... എന്താണെന്നു അറിയാത്ത ഒരുഇരുട്ട് കണ്ണിലേക്കു കയറി . ... ഞാൻ ഉറങ്ങിപ്പോയി ...... ആരോ എന്നെ തട്ടിവിളിക്കുകയാണ് .. കണ്ണുതുറന്നപ്പോൾ കുറെ ആളുകൾ . ...!!!!!!!!!!നിങ്ങൾ എന്താ ഇവിടെ കിടക്കുന്നതു .ഇത്അമ്പലമാണെന്നു അറിഞ്ഞുടെ . അതും യക്ഷിയമ്മയുടെ ആൽത്തറയിൽ തന്നെ ഉറങ്ങണമല്ലെ . !!!അഹമതി തന്നെ . !!എടോ തനിക്കു ജീവൻ തിരിച്ചുകിട്ടിത്തു ഭാഗ്യമെന്നു കരുതിയാമതി . !! ഒന്നും മനസിലാകാതെ ഞാൻ നിന്നു . എവിടെ മുത്തശ്ശി ... ?നിങ്ങളൊക്കെ ആരാ .? ഞങ്ങൾ ഇവിടെ പണിക്കു വന്നതാണ് . രണ്ടുദിവസം കഴിഞ്ഞാൽ ഇവിടെ ഒരുചടങ്ങുണ്ട് അതിനു അമ്പലം വൃത്തിയാകാൻ വന്നതാണ് . ഇവിടെ ഉണ്ടായിരുന്ന വീടെവിടെപ്പോയ് മുത്തശ്ശി ....??? എടോ ...:.ഇവിടെ ആരും വരാറുമില്ല ..ഇവിടെ ആള്താമസവുമില്ല .....ഇത്‌ യക്ഷിയമ്മയുടെ ആൽ തറയാണ് ഇവിടെകിടന്നതു ഒട്ടുംശരിയായില്ല ... വേഗം വീട്ടിൽപോകാൻ നോക്ക് .....ഇതുപറഞ്ഞുകൊണ്ട് അവരു പോയി ....... കുറച്ചു സമയമെടുത്തു എന്നിക്ക് എന്താണ് സംഭവിക്കുന്നതെന്ന് മനസിലാക്കാൻ . അപ്പോ .. ഞാനിന്നലെ കണ്ട മുത്തശ്ശി യക്ഷിയായിരുന്നോ ??!!!!!!!!! എന്നോട് കഥപറഞ്ഞത് ഈ ആൽത്തറയിലെ യക്ഷിയമ്മയാണോ !!!! എന്റെ അഛനാണോ ഇതെലാം ചെയ്തത് .?????!!!!!!!! എനിക്ക് എന്താ പറ്റിത്തു !!.... ശക്തികൂടിയ തണുത്ത ഒരു കാറ്റ് എന്റെ മേൽ അടിച്ചു .കാറ്റിന്റെ ശക്തികൂടുന്നതനുസരിച്ചു എന്റെ മനസിലെ പേടിയും കൂടിക്കൂടി വന്നു .പേടിച്ചുവിറച്ചുകൊണ്ട് ഞാൻ എന്റെവീട്ടിലേക്കുതിരിച്ചു .......ബാക്കി ചോദ്യങ്ങളുടെ ഉത്തരവും തേടി ..........
മനസ്സ് ആകെ അസ്വസ്ഥമാണ് .. നൂറ് ചോദ്യങ്ങളുണ്ട് മനസ്സിൽ ... ഞാനറിയുന്ന എന്റെ അച്ഛൻ ഒരിക്കലും ഒരു മോഷ്ടാവ് അല്ല . നാലാളുകളുടെ ഇടയിൽ ബഹുമാനം ലഭിക്കുന്ന വ്യക്‌തിയാണ് അദ്ദേഹം . പണമാണെങ്കിൽ അദ്ദേഹതെ കഴിഞ്ഞേ നാട്ടിലാർക്കും ആ വാക് ഉച്ചരിക്കാൻ പോലും ആകൂ . അത്രകണ്ട് സ്വത്തു അദ്ദേഹത്തിനുണ്ട് . പിന്നെ എന്താണ് ഞാൻ ഇന്നു കേട്ടത് .......... വീട്ടിലെത്തി ... അച്ഛൻ എന്നോട് ഓരോന്നു ചോദിക്കുന്നുട് .ഒന്നും ഞാൻ കേൾക്കുന്നില്ല ..അച്ഛാ ..... എനിക്ക് അച്ഛനോട് ഒരുകാര്യം ചോദിക്കാനുണ്ട് ...... തകർന്ന മനസും കരഞ്ഞ മുഖവുമായി ഞാൻ അച്ഛനോട് ചോദിച്ചു ...
അച്ഛനൊരു കള്ളനായിരുന്നോ ...????!ചോദിച്ചുപോയി ഞാൻ ..അച്ചുതൻ നായർ ഒരു കള്ളനായിരുന്നോ ... ??? എന്റെചോദ്യം കേട്ട അച്ഛൻ ചോരയില്ലാത്ത മുഖവുമായി വിളറിവെളുത്തു .അച്ഛന്റെ ഭാവത്തിൽനിന്നു മുത്തശ്ശി പറഞ്ഞത് സത്യമാണെന്നു എനിക്കു തോന്നുന്നു . എന്താ അങ്ങിനെ അല്ലാ എന്റെ അച്ഛൻ ഒരിക്കലും അങ്ങനെയല്ല ..... ഒന്നിന്റെയും മുൻപിൽ തലകുനിക്കാത്ത എന്റെഅച്ഛൻ തലതാഴ്ത്തിയിരുന്നു . അച്ഛാ ... അച്ഛൻ ഉണ്ട്നിറഞ്ഞവനാണ്.....കണ്ടുമടുത്തവനാണ് ... ദൈവതുല്യനാണ് എനികെന്റെഅച്ഛൻ ... പറ അച്ഛാ എന്താസംഭവിച്ചതു ...... ഒരുപാടുനേരത്തെ മൗനത്തിനുശേഷം അദ്ദേഹം എന്നെ അടുത്ത് വിളിച്ചു ... ........ മോനെ നികേട്ടതു ശരിയാണ് ... ഒരു തീ എന്റെ നെഞ്ചിൽ തറച്ചപോലെ തോന്നി പക്ഷേ ഞാൻ മൗനമായിരുന്നു .
മോനെ നീ എവിടെനിന്നാണ് ഇതുകേട്ടതു എന്ന് എനിക്കറിയില്ല പക്ഷേ എനിക്കും എന്റെ കൂട്ടുകാരനും മാത്രം അറിയുന്ന രഹസ്യമാണ് ഇത്‌ .അവൻ മരിച്ചുപോയി . പിന്നെ .....
അച്ഛന്റെ വിഷമം കണ്ട് എനിക്കുകരച്ചില് വന്നു .. ഞാൻ സംഭവിച്ചതൊക്കെ അദ്ദേഹത്തോട് പറഞ്ഞു . ഭയന്നുവിറച് അദ്ദേഹം നിലത്തുവീണു . .............,,,,,,,,,,, കുറെ കഴിഞ്ഞു എന്നെഅടുത്തു വിളിച്ചു .... മോനെ അച്ഛൻ കള്ളനായിരുന്നു ആർക്കും അത്‌അറിയില്ല നിന്റമ്മക് പോലും . ഞാൻ ഒരുരാത്രി കുഞ്ഞിക്കാവിലും കയറി അവിടുന്ന് മോഷ്ടിച്ച ദേവിയുടെ പതക്കവും കൊണ്ട് പോകുന്ന നേരത് . ..... കുഞ്ഞാപ്പു .......എന്റെ ആത്മമിത്രം അവൻ നാഗദംശനമേറ്റു മരിച്ചു . അച്ഛൻ വീട്ടില് എത്തിയപ്പോഴേക്കും നിന്റെ 'അമ്മ ഉമ്മറത്ത് ഉണ്ടായിരുന്നു ....എന്റെകൈയിലുള പതകം അവൾ എന്റെ സമ്മാനമാണെന്നു കരുതി കഴുത്തിലണിഞ്ഞു . അടുത്ത ദിവസംതന്നെ അവൾ ഗർഭിണിയാണെന്ന് അറിഞ്ഞു . വര്ഷങ്ങളായി ഞങ്ങൾ കേൾക്കാൻ ആഗ്രഹിച്ചതാണ് അത് .അവിടെ തൊട്ട് എല്ലാം നല്ലത് മാത്രമേ ഉണ്ടായുളു . ഞങ്ങൾക്ക് നിന്നെ കിട്ടി .സമ്പത്തായി ... ഐശ്വര്യമായി ...എല്ലാം ദേവിയെ പതിച്ച ആ സ്വർണ പതകത്തിന്റെ ഐശ്വര്യമാണെന്നു അവൾ എപ്പോഴും പറയും . .. നീ ജനിച്ചു നിന്റെപിറന്നാളിന്‌ അവൾ ആ ഭാഗ്യം നിന്നെ അണിയിച്ചു . അടുത്ത ദിവസംതന്നെ അവൾക്കും വിഷംതീണ്ടി . !!!!!(അച്ഛൻ കരഞ്ഞു )ആ ഗ്രാമത്തിന്റെ ഐശ്വര്യമാണ് മോനെ നമ്മുടെ കുടുംബത്തിന് ലഭിച്ചത് .നിന്റെ കഴുത്തിൽ അണിഞ്ഞിരിക്കുന്നത് ദേവിയുടെ പതകമാണ് മോനെ ....
ഒരുദിവസം അച്ഛനോടുഞാൻ മിണ്ടിയില്ല ... അടുത്തദിവസം ....ഞാൻ അദ്ദേഹത്തോടുപറഞ്ഞു തെറ്റുകൾ ഏറ്റുപറയണമെന്നു........,,,, ഇന്നാണ്.... ആ ദിവസം എല്ലാരും വർതംനോറ്റ് അമ്പലത്തിൽ വരുന്ന ദിവസം . ഞാനും അച്ഛനും അവിടേക്കു തിരിച്ചു .തെറ്റുകൾ ഏറ്റു പറഞ്ഞു ദേവിയുടെ പതകം തിരിച്ചുകൊടുക്കണം . ........ അതാണ് ലക്ഷ്യം ...അവിടെ എത്തിയതും ഞാനമ്പരന്നുപോയ് ..ആ നാടുമുഴുവൻ ഉണ്ടായിരുന്നു അവിടെ . എല്ലാവരും മനമുരുകിയുള്ള പ്രാർത്ഥനയിൽ .... ദേവിയുടെ അനുഗ്രഹത്തിനായ് ..... ഞാനും അച്ഛനും ദേവിയെ തൊഴുത് നിൽക്കവേ ..... ഒരുആർപ്പുവിളി ദേവീ അനുഗ്രഹിച്ചിരിക്കുന്നു ... ദേവി കനിഞ്ഞു .... അമ്മേ ..... ഭഗവതീ ...... നോക്കുമ്പോൾ എന്റെദേഹമാസകലം കുരുക്കൾ ..... എല്ലാരും എന്നെ തൊഴുത് നില്കുന്നു .... അവരുടെയെല്ലാം കണ്ണിൽ സന്തോഷവും ഭക്തിയും ബഹുമാനവും കാണുന്നു ... ഞാൻ .... ഞാൻ ആണ് ആ വ്യക്‌തി ...... ദേവിയുടെ വിളക്കെടുക്കാൻ വർഷങ്ങൾക്കിപ്പുറം തിരഞ്ഞെടുക്കപ്പെട്ടവൻ ...... ഞാൻ .......... അതാ മനക്കലെ നമ്പൂരിവരുന്നു ..... മഞ്ഞൾപൊടി എറിയുന്നു ..... സത്യമാണ് .... ദേവീ എന്നെ തിരഞ്ഞെടുത്തു കഴിഞ്ഞു ... എന്റെ ദേഹത്ത് ഒരുപോറലുപോലും ഇല്ലാ ......!!!!!! ഉത്സവത്തിന് കൊടികയറി ..... എല്ലാംമനസിലാക്കിയ അച്ഛൻ മുന്നിനിന്നുകൊണ്ട് അമ്പലം പുതുക്കിപ്പണിതു ..... എല്ലാം ശുഭമായിരിക്കുന്നു ..... ഞാൻ വിളക്കെടുത്തു ഉത്സവം കെങ്കേമമായി നടന്നു . ദേവിയുടെ മുഖ പ്രസാദം തിരിച്ചുകിട്ടി .....നാടുമുഴുവനും ആഹ്ലാദത്തിമർപ്പിൽ ....... എല്ലാം ദൈവനിശ്ചയമായി ഞാൻ കരുതി .... ദേവിയുടെ നടക്കൽ നിന്നു പ്രാര്ഥിക്കവേ ഞാനെന്റെ കഴുത്തിലെ പതകം അവിടെ അഴിച്ചുവച്ചു .... ഇത് അവിടുത്തെയാണ് ... എന്നോടും എന്റെ അച്ഛനോടും പൊറുക്കണേ അമ്മേ .... കുറച്ചുകഴിഞ്ഞു പൂജചെയ്ത തിരുമേനി ഓടി വന്നു ആളുകളോടുപറഞ്ഞു കിട്ടിയിരിക്കണു ...!!!! ദേവിയുടെ പതകം . പണ്ട് മോഷണം പോയത് . ....പൂജാരിതെറ്റുകാരനല്ലനറിഞ്ഞ നാട്ടുകാർ അദ്ദേഹത്തിന്റെ മകളെ വരുത്തി .... ക്ഷേത്ര നടയിൽ വച്ച് ആ കുട്ടിയോടും കുടുംബത്തോടും ചെയ്‌ത കുറ്റത്തിന് നാടുമുഴുവൻ ചേർന്നു മാപ്പ് അപേക്ഷിച്ചു ...... അതെ .... ഞാൻ തേടിയെത്തിയ പെൺകുട്ടി അവൾ ....... അവൾതന്നെ !!!!
നിയോഗമാണ് എല്ലാം... ദേവീ അവിടുത്തെ ഇച്ഛക്കനുസരിച്ചു ചലിക്കുന്ന ഒരു പാവയായ ഈ മനുഷ്യജന്മത്തിൽ ചെയ്‌ത എല്ലാ തെറ്റുകളും പൊറുത്‌ അനുഗ്രഹിക്കണേ അമ്മേ..........
എന്റെ കുഞ്ഞികുന്നിനെയും കുഞ്ഞിക്കാവിലെ ദേവിയെയും സ്നേഹിച്ചു ..ഇത്‌ മുഴുവൻ വായിച്ച എല്ലാ നല്ല മനസിനും നന്ദി ....
ഒരുപാട് സ്നേഹത്തോടെ
വിഷ്ണുലാൽ വേണു

കടൽ വെള്ളരി - സമുദ്ര ഗർത്തങ്ങളിലെ സർവ വ്യാപി ; ഔഷധങ്ങളുടെ കലവറ


Image may contain: outdoor
സമുദ്രത്തിലെ ആവാസവ്യവസ്ഥയിൽ അതിപ്രധാനമായ ഒരു കണ്ണിയാണ് കടൽ വെള്ളരി .കടൽ വെള്ളരി എന്നാണ് പേരെങ്കിലും കടൽ വെള്ളരി ഒരു സസ്യമല്ല. വളരെ പുരാതനമായ ജന്തു വർഗങ്ങളിൽ ഒന്നാണ് കടൽ വെള്ളരികൾ. മറ്റൊരു കടൽ ജീവികൾക്കും വസിക്കാനാവാത്ത അഗാധ സമുദ്ര ഗർത്തങ്ങളിൽപോലും കടൽ വെളളരികൾ അനായാസം വസിക്കുന്നു ആകൃതിയിൽ വെള്ളരിയോട് സാമ്യമുള്ളതിനാൽ മാത്രമാണ് ഇവക്ക് കടൽ വെള്ളരികൾ എന്ന് പേരുളളത് .
.
അതി വിചിത്രമായ ഒരു ജീവിയാണ് കടൽ വെള്ളരി സിലിണ്ടർ പോലുള്ള ശരീരം .അര ലിറ്ററിനടുത്ത ശരീര വ്യാപ്തം ,മുപ്പത് സെന്റീമീറ്റർ ശരാശരി നീളം , അഞ്ചു നിരയിൽ ചെറിയ കാലുകൾ ,വളരെ വിചിത്രമായ ശ്വസന രീതി ,ഇതൊക്കെയാണ് കടൽ വെള്ളരിയുടെ ഏകദേശ രൂപം . ഇവയുടെ മറ്റൊരു സവിശേഷത ഇവക്ക് വ്യക്തമായ ഒരു തലച്ചോർ ഇല്ലെന്നുള്ളതാണ് .വായ്ക്ക് ചുറ്റുമുള്ള നാഡീവ്യൂഹങ്ങൾക്കു സമാനമായ സംവിധാനങ്ങൾ ഇവയുടെ തലച്ചോറായി പ്രവർത്തിക്കുന്നു എന്നാണ് അനുമാനം .ആയിരത്തിലധികം കടൽ വെള്ളരി വിഭാഗങ്ങൾ സമുദ്രാന്തർ ഭാഗത്തു വസിക്കുന്നുണ്ട് . അവയിൽ പലതിനും വ്യത്യസ്തമായ രൂപവും ഭാവവും ഉണ്ട് . മൂന്ന് മില്ലിമീറ്റർ മുതൽ മൂന്ന് മീറ്റർ വരെ നീളമുള്ള കടൽ വെള്ളരികൾ ഉണ്ട് . കടൽ വെള്ളരിയുടെ ഏറ്റവും വികസിതമായ ശരീര വ്യവസ്ഥ അവയുടെ ദഹന വ്യവസ്ഥയാണ് .കടലിൽ ജീവിച്ചു ജീവിതചക്രം പൂർത്തിയാക്കി കടലിന്റെ അടിത്തട്ടിലേക്ക് മുങ്ങുന്ന സസ്യ ,ജന്തു വര്ഗങ്ങള് എല്ലാം തന്നെ അവസാനം കടൽ വെളളരികളുടെ ഭക്ഷണമായിത്തീരുകയാണ് ചെയുന്നത് .അതിനാൽ തന്നെ സമുദ്രത്തിലെ ആവാസ വ്യവസ്ഥയിൽ കടൽ വെള്ളരിയുടെ സ്ഥാനം പ്രാധാന്യമേറിയതാണ് .
.
പ്രാകൃത്യമായ ജീവികളാണെങ്കിലും കടൽ വെള്ളരികൾ വലിയ കോളനികളിലാണ് വസിക്കുന്നത് .ദശ ലക്ഷകകണക്കിനു കടൽ വെള്ളരികൾ അടങ്ങുന്ന കോളനികൾ കണ്ടെത്തിയിട്ടുണ്ട് .പസഫിക് സമുദ്രത്തിൽ ചതുരശ്രമീറ്റർ കടൽ തട്ടിൽ മുപ്പതിലേറെ കടൽ വെള്ളരികൾ ഉണ്ടെന്നാണ് അനുമാനം .അതിൽനിന്നു തന്നെ ഭൂമിയിലെ ഇവയുടെ എണ്ണം ഊഹിക്കാം .ആയിരക്കണക്കിന് കോടി കടൽ വെള്ളരികളാണ് ഭൂമിയിൽ ഉളളത് .ജലത്തിലൂടെ രാസവസ്തുക്കൾ പ്രസരിപ്പിച് ഇവ വാർത്താവിനിമയം നടത്തുനന്നതായി കണ്ടെത്തിയിട്ടുണ്ട് .മിക്ക കടൽ വെള്ളരി വിഭാഗങ്ങൾക്കും ശക്തമായ ടോക്സിനുകളിലൂടെയുള്ള സ്വയം പ്രതിരോധ സംവിധാനമുണ്ട് .
.
കടൽ വെള്ളരിയുടെ വാണിജ്യ ഉപയോഗം
--
സമുദ്ര ആവാസ വ്യവസ്ഥയിൽ പകരം വാക്ൿനാവാത്ത ദൗത്യം നിറവേറ്റുനാണ് കടൽ വെളളരികൾ ഇപ്പോൾ വാണിജ്യപരമായും ഉപയോഗത്തിലെത്തിക്കൊണ്ടിരിക്കുകയാണ് . ഭക്ഷ്യ യോഗ്യമായ അനേകം കടൽ വെള്ളരി ഇനങ്ങളുണ്ട് .പുരാതന കാലം മുതൽ തന്നെ പസഫിക് തീരത്തിൽ കടൽ വെളളരിയെ ഭക്ഷ്യ ആവശ്യത്തിന് ഉപയോഗിച്ച് തുടങ്ങിയിരുന്നു .ചൈനീസ് വൈദ്യത്തിൽ കടൽ വെള്ളരികൾ അതിശക്തമായ ഔഷധങ്ങളാണ് ഉപയോഗിക്കുന്നുണ്ട് .ക്യാന്സറിന്റെ ഔഷധമായാണ് കടൽ വെളളരിയെ ചൈനീസ് ജാപ്പനീസ് പാരമ്പര്യ വൈദ്യം കാണുന്നത് . ഈ അവകാശവാദം ആധുനിക വൈദ്യ ശാസ്ത്രം അംഗീകരിക്കുന്നില്ലെങ്കിലും ,കടൽ വെള്ളരി ഉൽപ്പാദിപ്പിക്കുന്ന രാസ വസ്തുക്കൾ കാന്സറിനെ പ്രതിരോധിക്കുമോ എന്ന വിഷയത്തിൽ ഗവേഷണങ്ങൾ ഇപ്പോഴും നടക്കുന്നുണ്ട് . കടൽ വെള്ളരിയിൽ നിന്നും വേദനാസംഹാരികൾ നിർമിക്കുകയും പരീക്ഷിക്കുകയും ചെയ്തിട്ടുണ്ട് . കടൽ വെള്ളരികളിലെ ഒരു വിഭാഗമായ Cucumaria echinata യില്നിന്നും ഉൽപ്പാദിപ്പിക്കുന്ന രാസവസ്തുക്കൾ മലേറിയക്കെതിരെ ഫലപ്രദമാണെന്ന് കണ്ടെത്തിയിട്ടുണ്ട് .
--
കടൽ വെള്ളരി വ്യവസായം
--
ഭക്ഷണ ആവശ്യത്തിനും രാസ വസ്തുക്കളുടെയും ഔഷധങ്ങളുടെയും നിർമാണത്തിനും കടൽ വെള്ളരികൾ വ്യാപകമായി ഉപയോഗിക്കപ്പെടുന്നതിനാൽ പ്രത്യേക കടൽ വെള്ളരി വിഭാഗങ്ങളെ നിയന്ത്രിത സാഹചര്യ്ങ്ങളിൽ വളർത്തി വിപണനം ചെയുന്ന വ്യവസായവും രൂപപ്പെട്ടു വരുന്നുണ്ട് പസഫിക് തീര രാജ്യങ്ങളിൽ വലിയ കുളങ്ങളിൽ കടൽ വെള്ളരി വളർത്തി വ്യാവസായിക അടിസ്ഥാനത്തിൽ വിപണനം നടത്തുന്നുണ്ട് .ചൈനയിലെ വർധിച്ച ഡിമാൻഡ് കാരണം കടൽ വെളളരികളുടെ വില കിലോഗ്രാമിന് 300ഡോളർ ( 20000 രൂപക്കടുത്താണ് ) വരെ ഉണ്ട് .സമുദ്രത്തിന്റെ അടിത്തട്ടിൽ നിന്നും ഇവയെ ശേഖരിക്കുന്നത് ബുദ്ധിമുട്ടുള്ള കാര്യമായതിനാൽ വ്യാവസായിക അടിസ്ഥാനത്തിലുള്ള കടൽ വെള്ളരി കൃഷി പല രാജ്യങ്ങളിലും ഇപ്പോൾ വ്യാപകമായി തുടങ്ങിയിട്ടുണ്ട് .
--
ചിത്രം : കടൽ വെള്ളരികൾ ചിത്രങ്ങൾ കടപ്പാട് വിക്കിമീഡിയ കോമൺസ്
--
ref
1.https://www.nationalgeographic.com/…/i…/group/sea-cucumbers/
2.https://en.wikipedia.org/wiki/Sea_cucumber.
3.https://www.popsci.com/secret-superpower-sea-cucumbers
4.http://www.itmonline.org/arts/seacucumber.htm
5.https://www.nwf.org/…/Wildlife-…/Invertebrates/Sea-Cucumbers
--
This is an original work based on the references given .No part of it is shared or copied from any other post or article. –Rishidas.S
Image may contain: food
Image may contain: plant, flower, outdoor and nature

മരണത്തിന്റെ മാലാഖ

ഹിറ്റ്ലറിനേക്കാൾ ക്രൂരനായിരുന്നു മരണത്തിന്റെ മാലാഖ എന്നറിയപ്പെട്ടിരുന്ന ജോസഫ് മെൻഗൽ. ഒരു ഡോക്ടർക്ക് ഇത്ര ക്രൂരനാകാൻ സാധിക്കുമോ എന്ന് നമ്മൾക്ക് സംശയിക്കാം. അയാൾ ഒരു ഡോക്ടർ മാത്രമല്ല ഒരു ഗവേഷകൻ കൂടി ആയിരുന്നു എന്നുള്ളതാണ് ക്രൂരതയുടെ ആക്കം കൂട്ടിയത്.
മ്യൂനിച്ച് യൂണിവേഴ്സിറ്റിയിൽ നിന്നും മെഡിസിൻ പഠിച്ചിറങ്ങിയ ശേഷം 1937ൽ മെൻഗൽ നാസി പാർട്ടിയിൽ ചേർന്നു.
ഹിറ്റ്ലർ യഹൂദരെ കോൺസൻഡ്രേഷൻ ക്യാമ്പിലും ഗ്യാസ് ചേംബറിലുമിട്ട് കൊന്നു രസിച്ചിരുന്ന കാലം. ഓസ്വിച്ചിലെ കോൺസൻഡ്രേഷൻ ക്യാമ്പിലായിരുന്നു മെൻഗേൽ ജോലി ചെയ്തിരുന്നത്.
1941ൽ യഹൂദരെ കൂട്ടകൊല ചെയ്യാൻ ഹിറ്റ്ലർ തിരുമാനിച്ചപ്പോൾ മേൻഗേലിനായിരുന്നു ഓസ്വിച്ച് ക്യാമ്പിന്റെ ചുമതല. ഗർഭണികളെയും കുട്ടികളെയും ഗ്യാസ് ചേംബറിലിട്ട് കൊല്ലുന്നതിൽ ഹിറ്റ്ലറിനേക്കാൾ കൂടുതൽ രസം കണ്ടെത്തിയിരുന്നത് ഈ മരണത്തിന്റെ മാലാഖയായിരുന്നു.
കുട്ടികളെയും വിഗലാംഗരെയും കൊല്ലുന്നത് വേദനയോടെ മറ്റു ഡോക്ടർമാർ നോക്കി നിന്നപ്പോൾ അയാൾ മാത്രം വളരെ ആസ്വദിച്ച് അത് ചെയ്തു.
ക്യാമ്പിൽ രോഗങ്ങൾ പടർന്നു പിടിച്ചപ്പോൾ മരിച്ചവരുടെ ശരീരത്തിലെ ശ്രവങ്ങൾ എടുത്ത് കുട്ടികളിൽ കുത്തിവച്ച് അയാൾ തന്റെ മരുന്ന് കണ്ടു പിടിക്കുവാൻ ഉള്ള ഗവേഷണങ്ങൾ നടത്തി.
ഇരട്ട കുട്ടികൾ ആയിരുന്നു അയാളുടെ പ്രധാന ഇരകൾ. ഇരട്ടക്കുട്ടികളിൽ ഒരാളുടെ കണ്ണു കുത്തിപ്പൊട്ടിക്കുക, ഒരു കുട്ടിയുടെ കാൽ മുറിച്ചു മാറ്റുക അപ്പോൾ മറ്റെ കുട്ടിക്ക് വേദനിക്കുമോ എന്ന ദോഷത്തരങ്ങൾ നിറഞ്ഞ ഗവേഷണങ്ങൾ അയാൾ ചെയ്തു. ഒരു വേദനസംഹാരികളും കുത്തിവച്ചായിരുന്നില്ല ഈ പരീക്ഷണങ്ങൾ.
സയാമീസ് ഇരട്ടകളെ ഉണ്ടാക്കുവാൻ ജനിച്ചു വീണ രണ്ട് ഇരട്ട കുട്ടികളെ പച്ചക്ക് തയ്ച്ചുപിടിപ്പിച്ചു. ഒടുവിൽ ശരീരം പഴുത്തളിഞ്ഞ് ആ കുട്ടികൾ മരണത്തിന് കീഴടങ്ങി.
മരവിപ്പിക്കാനുള്ള ഒരു മരുന്നും കുത്തിവെക്കാതെ കൊച്ചു കുട്ടികളിൽ അയാൾ ഒപറേഷൻ നടത്തി. എല്ലാ കുട്ടികളും ഒടുവിൽ മരണത്തിന് കീഴ്പ്പെട്ടു.
ഇതൊന്നും രഹസ്യമായ മുറികളിൽ വച്ചല്ല സാഡിസ്റ്റായ ഈ ഡോക്ടർ ചെയതിരുന്നത്. മാതാപിതാക്കളുടെയും മറ്റുള്ളവരുടെയും മുന്നിൽ വച്ചാണ് ഇത്തരം ക്രൂര പരീക്ഷണങ്ങൾ അരങ്ങേറിയത്. അയാളെ ശരിക്കും മരണത്തിന്റെ മാലാഖ എന്നല്ല മരണത്തിന്റെ ചെകുത്താൻ എന്നാണ് വിളിക്കേണ്ടത്.
ചില ചരിത്രങ്ങൾ ഇന്നും വേദനയോട് കൂടി മാത്രമെ ഓർക്കുവാനും വായിക്കുവാനും സാധിക്കുകയുള്ളൂ.
Image may contain: 7 people, people smiling
Image may contain: 1 person, smiling, closeup

സ്ത്രീകൾക്കു പ്രവേശനമില്ലാത്ത ജപ്പാൻ ദ്വീപിന് യുനെസ്കോയുടെ ലോക പൈതൃകപദവി



സ്ത്രീകൾക്കു പ്രവേശനമില്ലാത്ത ജപ്പാൻ ദ്വീപിന് യുനെസ്കോയുടെ ലോക പൈതൃകപദവി. സ്ത്രീകൾക്കു പ്രവേശനമില്ലെന്നതു മാത്രമല്ല, ഇവിടേക്കു പ്രവേശിക്കാൻ പുരുഷൻമാർ വസ്ത്രങ്ങൾ ഉപേക്ഷിക്കുകയും വേണം. 700 ചതുരശ്ര മീറ്റർ വിസ്തൃതിയുള്ള ഒക്കിനോഷിമ പ്രദേശത്തിനാണ് അംഗീകാരം. തെക്കുപടിഞ്ഞാൻ ദ്വീപായ ക്യുഷുവിനും കൊറിയൻ പെനിൻസുലയ്ക്കും മധ്യത്തിലാണിത്. 17–ാം നൂറ്റാണ്ടിലെ ആരാധനാലയവും ബീച്ചിനു പ്രൗഢിയേറ്റുന്നു.
പോളണ്ടിലെ ക്രാക്കോവിൽ നടന്ന യുനെസ്കോയുടെ വാർഷിക സമ്മേളനമാണു പൈതൃക പദവി പ്രഖ്യാപിച്ചത്. ഇന്ത്യയിൽ അഹമ്മദാബാദിന് ഈ പദവി ലഭിച്ചിട്ടുണ്ട്. ഷിന്റോ ആരാധനാ വിഭാഗമായ മുനാകാത്ത തായ്ഷയുടെ ആരാധനാലയമായ ഒകിത്‌സുവിൽ ആരാധന നടത്താനുള്ള പുരോഹിതരാണ് സാധാരണ ഇവിടെയെത്തുന്നത്.
എന്നാൽ എല്ലാ വർഷവും മേയ് 27ന് 200 പുരുഷന്മാർക്ക് ഇവിടം സന്ദർശിക്കാൻ അനുമതി നൽകാറുണ്ട്. 1904–05 കാലത്ത് റഷ്യ– ജപ്പാൻ നാവികയുദ്ധത്തിൽ വീരമൃത്യു വരിച്ചവരെ ആദരിക്കാനുള്ള പരിപാടിയിലാണ് ഇവർ പങ്കെടുക്കുക. ആ യാത്രയുടെ പ്രധാന നിബന്ധനയാണ് നഗ്നരായിരിക്കണമെന്നത്. ശുദ്ധി വരുത്താൻ കടലിൽ കുളിക്കുകയും വേണം.
കടപ്പാട്: വിക്കിപീഡിയ

THE WORLD'S MOST DANGEROUS BORDER



1910 മുതല്‍ 1945 വരെ കൊറിയയെ ഭരിച്ച ജപ്പാന്‍ സാമ്രാജ്യം അവരോട്‌ ചെയ്തക്രൂരതകള്‍ സമാനമില്ലാത്തവയാണ്‌. ഒരു രാജ്യമെന്ന നിലയില്‍ കൊറിയയെയും അവരുടെ സംസ്കാരത്തേയും ഇല്ലായ്മ ചെയ്യാന്‍ ജപ്പാന്‍ ശ്രമിച്ചു. കൊറിയക്കാര്‍ ഷിന്റോ ക്ഷേത്രങ്ങളില്‍ നിര്‍ബന്ധമായും ആരാധിക്കേണ്ടിവന്നു, കൊറിയന്‍ ഭാഷ നിരോധിച്ചു. കൊറിയക്കാര്‍ ജപ്പാന്‍ പേരുകള്‍ നിര്‍ബന്ധമായി സ്വീകരിക്കേണ്ടിവന്നു. കൊറിയന്‍ ഭാഷയില്‍ പത്രങ്ങള്‍ പ്രസിദ്ധീകരിക്കുന്നത്‌ നിയമവിരുദ്ധമാക്കി. കൊറിയയുടെ സംസ്കാരത്തെ സൂചിപ്പിക്കുന്ന എല്ലാ വസ്തുക്കളും ഒന്നുകില്‍ നശിപ്പിക്കുകയോ മോഷ്ടിച്ചുകടത്തുകയോ ചെയ്തു. മനുഷ്യരോടും സ്ത്രീകളോടും വ്യക്തിപരമായ ചെയ്തക്രൂരതകള്‍ ഇതോടൊന്നും താരതമ്യവുമില്ലാത്തതാണ്‌.
അങ്ങനെ രണ്ടാം ലോകമഹായുദ്ധാനന്തരം കൊറിയയെ വടക്കുഭാഗം സോവിയറ്റ്‌ യൂണിയനും തെക്കുഭാഗം അമേരിക്കയും വീതിച്ചെടുത്തു. ദക്ഷിണകൊറിയയില്‍ ജനാധിപത്യപരമായ തെരഞ്ഞെടുപ്പ്‌ നടന്ന് സര്‍ക്കാര്‍ അധികാരത്തില്‍ വന്നപ്പോള്‍ സ്റ്റാലിന്‍ കിം ഇല്‍ സുങ്ങിനെ ഉത്തരകൊറിയയുടെ നേതാവാക്കി. രണ്ടുഭരണങ്ങളും കൊറിയ മുഴുവന്‍ തങ്ങളുടേതാണെന്ന് അവകാശപ്പെടുകയും ചെയ്തു. 1950-53 കാലത്ത്‌ നടന്ന കൊറിയന്‍ യുദ്ധത്തോടെ രണ്ടുപ്രദേശങ്ങളും രണ്ടുവ്യത്യസ്തരാജ്യങ്ങളായി മാറുകയും ചെയ്തു. അങ്ങനെ മാറിയപ്പോള്‍ അവയെ വേര്‍തിരിക്കാന്‍ ഇടയ്ക്ക്‌ ഒരുസ്ഥലം നീളത്തില്‍ ഒഴിച്ചിടുകയുണ്ടായി.
രണ്ടു കൊറിയകളെയും വേര്‍തിരിക്കുന്ന സൈന്യങ്ങളില്ലാത്ത ഈ ഇടത്തിന്‌ 250 കിലോമീറ്റര്‍ നീളവും 4 കിലോമീറ്റര്‍ വീതിയുമുണ്ട്‌. രണ്ടുകൂട്ടരും ചര്‍ച്ചകള്‍ക്കായി വരുന്ന ഒരു ചെറിയ തുറസ്സും ഇതിനുണ്ട്‌. ഈ സൈനികരഹിതപ്രദേശത്തിന്‌ ഇരുവശങ്ങളിലുമായി ലോകത്തേറ്റവും വലിയസൈനികവ്യൂഹങ്ങള്‍ മുഖത്തോടുമുഖം നിലകൊള്ളുകയാണ്‌. രണ്ടാം ലോകമഹായുദ്ധാനന്തരം റഷ്യയേയും അമേരിക്കയേയും ആശ്രയിച്ചുകഴിയേണ്ടിവന്ന രണ്ടുരാജ്യങ്ങളുടെയും ചരിത്രം മാറ്റിമറിച്ചുകൊണ്ട്‌ കൊറിയന്‍ യുദ്ധമെത്തി. അതില്‍ മുപ്പതുലക്ഷം ആള്‍ക്കാരാണ്‌ മരണമടഞ്ഞത്‌. യുദ്ധം അവസാനിച്ചപ്പോള്‍ കരാര്‍ പ്രകാരം രണ്ടുകൂട്ടരും രണ്ടുകിലോമീറ്റര്‍ വീതം പിന്നിലേക്കുമാറി. അതോടെ നടുക്കൊരു വരയും വരയ്ക്കിരുപുറവുമായി നാലുകിലോമീറ്റര്‍ വീതിയില്‍ 250 കിലോമീറ്റര്‍ നീളത്തിലൊരുപ്രദേശം രൂപംകൊണ്ടു. ആ പ്രദേശത്ത്‌ എന്തെല്ലാം ചെയ്യാമെന്നതിനെപ്പറ്റി വലിയനിയമാവലികള്‍ നിലവില്‍ വന്നു. ഇടയ്ക്കിടെ കലഹിക്കുന്നവര്‍ തമ്മില്‍ വഴക്കുണ്ടാകും വെടിവയ്ക്കും ആളുചാവും. 1950 -നു മുന്‍പ്‌ ഈ നേരിയപ്രദേശത്തു ആള്‍ക്കാര്‍ ജീവിച്ചിരുന്ന രണ്ടുഗ്രാമങ്ങളാണ്‌ ആകെ ആള്‍ത്താമസമുള്ള പ്രദേശങ്ങള്‍. അവിടെ 218 പേര്‍ ജീവിക്കുന്നുണ്ട്‌.
വടക്കന്‍ കൊറിയയുടെ കൈവശമുള്ള അതിര്‍ത്തിയില്‍ കെട്ടിപ്പൊക്കിയ വലിയ കെട്ടിടങ്ങളില്‍നിന്നും വൈദ്യുതവെളിച്ചവും ഒച്ചയും പ്രകാശപ്രതിഫലങ്ങളുമൊക്കെ വരുന്നതു സൂക്ഷിച്ചുനോക്കിയാല്‍ അവിടെയെല്ലാം നിറയെ ആള്‍ക്കാരുണ്ട്‌ എന്നുതോന്നിപ്പിക്കാനായി ഉണ്ടാക്കിയ ചില്ലുമേടകളാണെന്നു മനസ്സിലാവും. 1980 -ല്‍ ദക്ഷിണകൊറിയന്‍ സര്‍ക്കാര്‍ തങ്ങളുടെ മിടുക്ക്‌ പ്രകടമാക്കാന്‍ 100 മീറ്ററോളം ഉയരമുള്ള ഒരു കൊടിമരം അതിര്‍ത്തിയില്‍ സ്ഥാപിക്കുകയും 130 കിലോഗ്രാം ഭാരമുള്ള ഒരു പതാക അതിന്റെ മുകളില്‍ പറത്തുകയും ചെയ്തു. അങ്ങനെ തോല്‍ക്കാന്‍ തയ്യാറാകാത്ത ഉത്തരകൊറിയയാവട്ടെ 160 മീറ്റര്‍ ഉയരമുള്ള കൊടിമരം പണിയുകയും 270 കിലോഗ്രാം ഭാരമുള്ള കൊടിപാറിക്കുകയും ചെയ്തു.
ദക്ഷിണകൊറിയയിലേക്ക്‌ കടക്കാന്‍ പലതവണയായി വടക്കന്‍ കൊറിയ നിരവധി തുരങ്കങ്ങള്‍ ഉണ്ടാക്കിവന്നിരുന്നു. കോണ്‍ക്രീറ്റ്‌ ഉപയോഗിച്ച്‌ നിര്‍മ്മിച്ച കിലോമീറ്ററുകള്‍ നീളമുള്ള ഇവ ഭൂമിക്കടിയില്‍ 76 മീറ്റര്‍ വരെ ആഴത്തില്‍ ആയിരുന്നു. പട്ടാളക്കാര്‍ക്ക്‌ കടന്നുവരാന്‍ തീവണ്ടിപ്പാതകള്‍ പോലും ഇതിലുണ്ടായിരുന്നു. ദക്ഷിണകൊറിയ ഇവ പിടിച്ചെടുത്തത്‌ ഇന്ന് ടൂറിസ്റ്റുകാര്‍ക്ക്‌ സന്ദര്‍ശിക്കാനുള്ള ആകര്‍ഷണങ്ങളായി നിലകൊള്ളുന്നു. അങ്ങോട്ടുമിങ്ങോട്ടും തിരിച്ചുവച്ച വലിയ മൈക്കുകള്‍ രണ്ടുരാജ്യങ്ങളും മറ്റുരാജ്യക്കാരനെ പ്രകോപ്പിക്കാനും പ്രൊപഗണ്ടകള്‍ക്കും ഉപയോഗിക്കുന്നു. ഇതുകൂടാതെ റേഡിയോസ്റ്റേഷനുകളുമുണ്ട്‌. അച്ചടിച്ചപ്രചരണവസ്തുക്കള്‍ ബലൂണില്‍ കെട്ടിയും ചെറുറോക്കറ്റുവഴിയും രണ്ടുരാജ്യങ്ങളും അങ്ങോട്ടുമിങ്ങോട്ടും അയച്ചുകൊണ്ടിരിക്കുന്നു. ദക്ഷിണകൊറിയയാവട്ടെ നാലുകിലോമീറ്റര്‍ കൂടാതെ സാധാരണക്കാരെ പിന്നെയും 5 മുതല്‍ 20 കിലോമീറ്റര്‍ ദൂരത്താണ്‌ അപകടങ്ങളില്‍ നിന്നും അകന്നുനില്‍ക്കാനായി പാര്‍പ്പിക്കുന്നത്‌.
ഇങ്ങനെ നെടുനീളത്തില്‍ 250 കിലോമീറ്റര്‍പ്രദേശം ആളനക്കമില്ലാതെ നാലുകിലോമീറ്റര്‍വീതിയില്‍ കിടക്കുന്നിടത്ത്‌ എന്തെല്ലാമുണ്ട്‌? മനുഷ്യന്‍ പ്രവേശിച്ചാല്‍ മരണം ഉറപ്പുള്ള ഈ സ്ഥലം യാതൊരുഭീഷണിയുമില്ലാത്ത ഒരു സ്വയംഭൂവായ വന്യമൃഗസങ്കേതമായി മാറിക്കഴിഞ്ഞു. അത്യപൂര്‍വ്വമായ സൈബീരിയന്‍ കടുവ മുതല്‍ വംശനാശഭീഷണിയുള്ള പലതരം ജീവികളും ഇവിടെ വസിക്കുന്നു. അമുര്‍ പുള്ളിപ്പുലി, ഏഷ്യന്‍ കറുത്തകരടി എന്നിവയെയെല്ലാം ഇവിടെക്കണ്ടുവരുന്നു. ഈ നേരിയ സ്ഥലത്ത്‌ 2900 തരം സസ്യങ്ങളും 70 തരം സസ്തനികളും 320 തരം പക്ഷികളും ജീവിക്കുന്നുണ്ട്‌. നിരവധി മലകളും താഴ്‌വാരങ്ങളും തടാകങ്ങളുമുള്ള ഈ പ്രദേശം ഐക്യരാഷ്ട്രസഭയുടെ നേതൃത്തത്തില്‍ ഒരു സംരക്ഷിതവന്യജീവിസങ്കേതമാക്കുമെങ്കില്‍ അതിനുവേണ്ട സാമ്പത്തികസഹായം താന്‍ നല്‍കുമെന്ന് കോടീശ്വരനായ പത്രമുതലാളി ടെഡ്‌ ടര്‍ണര്‍ പറയുകയുണ്ടായി.
ദക്ഷിണകൊറിയ ജനാധിപത്യത്തില്‍ക്കൂടിയും ശാസ്ത്രപുരോഗതിയില്‍ക്കൂടിയും ആധുനികജീവിതരീതിയില്‍ക്കൂടിയും ലോകത്തെ സമ്പന്നരാഷ്ട്രമായി മാറിയപ്പോള്‍ ഉത്തരകൊറിയയാവട്ടെ നൂറ്റാണ്ടുകള്‍ക്കുപിന്നില്‍ നിലകൊള്ളുന്നു. എന്തൊക്കെയോ കാരണങ്ങളാല്‍ ഒരുദിവസം ഇരിങ്ങാലക്കുട-വാല്‍പ്പാറ റോഡില്‍ ഒരു വരവരച്ച്‌ അപ്പുറവുമിപ്പുറവും നിറയെ ആയുധങ്ങളുമായി തമ്മില്‍ക്കണ്ടാല്‍ വെടിവച്ചിടാന്‍ തയ്യാറായി കേരളജനത മാറുന്നത്‌ ഓര്‍ത്തുനോക്കുക. അതിലും ഭീകരമാണ്‌ കൊറിയയിലെ കാര്യങ്ങള്‍. എന്തൊക്കെ പരാധീനതകള്‍ ഉണ്ടെങ്കിലും എത്രവലിയൊരു സ്വര്‍ഗത്തിലാണു നമ്മള്‍ ജീവിക്കുന്നതെന്നോര്‍ക്കാന്‍ കൊറിയ ഒരു നിമിത്തമാവട്ടെ.
വാല്‍ക്കഷണം: 8891 കിലോമീറ്റര്‍ നീളമുള്ള അമേരിക്ക-കാനഡ അതിര്‍ത്തിയില്‍ വേലികളൊന്നുമില്ലാതെ ആര്‍ക്കുംതന്നെ അങ്ങോട്ടുമിങ്ങോട്ടും കടന്നുപോകാവുന്ന രീതിയില്‍ ആണെന്നും ഇതിനൊപ്പം ഓര്‍ക്കാം.
കടപ്പാട്.. വിനയ് ജയ് വി ആർ
Image may contain: one or more people and text

വെറും ആറ് മിനിറ്റ് നേരം വായിച്ചാല്‍ മാത്രം മതി... പിരിമുറുക്കത്തെ ഓടിക്കാം ! (HEALTH TIPS )


‘ഇതെന്തൊരു ടെന്‍ഷന്‍’ എന്ന് ഒരിക്കലെങ്കിലും പറയാത്തവരായി ആരുംതന്നെ ഉണ്ടാകില്ല. നമുക്കെല്ലാം മാനസിക പിരിമുറുക്കം ഉണ്ടാവാം. പക്ഷേ അതെങ്ങനെ മറികടക്കും. മനസ്സിനെ തഴുകി തലോടുന്ന ഒരു മൃദുഗാനം ഒരു പക്ഷേ മരുന്നായി പ്രവര്‍ത്തിച്ചേക്കാം. എന്നാല്‍ ഇതിനെക്കാള്‍ നല്ലൊരു ‘ ടെന്‍ഷന്‍ കൊല്ലി ’ മരുന്നുണ്ട് എന്നാണ് ഗവേഷകര്‍ പറയുന്നത്.
പിരിമുറുക്കം കുറയ്ക്കാനുള്ള ഏറ്റവും നല്ല മരുന്ന് വായനയാണെന്നാണ് ഗവേഷകര്‍ കണ്ടെത്തിയിരിക്കുന്നത്. ആറ് മിനിറ്റ് നേരത്തെ വായന നിങ്ങളുടെ മാനസിക പിരിമുറുക്കം മൂന്നിലൊന്നായി കുറയ്ക്കുമത്രേ ! മനസ്സ് പൂര്‍ണമായും വായനയില്‍ കേന്ദ്രീകരിക്കുന്നതാണ് പിരിമുറുക്കത്തെ ദൂരെ നിര്‍ത്താ‍ന്‍ സഹായിക്കുന്നത്. വായനയുടെ ലോകത്തില്‍ വിഹരിക്കുമ്പോള്‍ മസിലുകളിലെയും ഹൃദയത്തിലെയും പിരിമുറുക്കം കുറയാന്‍ കാരണമാവുമെന്ന് ഗവേഷണ സംഘം പറയുന്നു.
ഗ്രന്ഥകര്‍ത്താവിന്‍റെ ഭാവനയില്‍ വായനക്കാര്‍ മുഴുകുന്ന അവസ്ഥയ്ക്ക് മറ്റൊരു പ്രയോജനം കൂടിയുണ്ടെന്ന് ഗവേഷകര്‍ ചൂണ്ടിക്കാട്ടുന്നു. അതായത്, വായനയില്‍ മുഴുകുമ്പോള്‍ ഗ്രന്ഥകര്‍ത്താവിന്‍റെ ഭാവനാ ലോകത്തിന് അനുസൃതമായൊരു ലോകം വായനക്കാരന്‍ സ്വയം സൃഷ്ടിക്കുന്നു. ഇത് സൃഷ്ടിപരമായ കഴിവുകളെ കൂടുതല്‍ ഉദ്ദീപിപ്പിക്കാന്‍ സഹായമാവുന്നു.
പഠനം നടത്തിയവരില്‍ സാമ്പ്രദായികവും അല്ലാത്തതുമായ രീതികളിലാണ് പിരിമുറുക്ക നില പരിശോധിച്ചത്. ആറ് മിനിറ്റ് നേരം സ്വസ്ഥമായി വായിച്ചവരില്‍ പിരിമുറുക്ക നില ആദ്യമുണ്ടായിരുന്നതില്‍ നിന്ന് 68 ശതമാനം കുറഞ്ഞതായി പഠന റിപ്പോര്‍ട്ടില്‍ പറയുന്നു. നിശ്ചിത സമയം വീതം പാട്ട് കേട്ടവരില്‍ പിരിമുറുക്ക നില 61 ശതമാനം കുറഞ്ഞു. കാപ്പി, ചായ എന്നിവയ്ക്ക് 54 ശതമാനവും നടത്തത്തിന് 42 ശതമാനവും പിരിമുറുക്കം കുറയ്ക്കാന്‍ സാധിച്ചു.
വീഡിയോ ഗെയിം കളിച്ചവരിലാകട്ടെ പിരിമുറുക്ക നില 21 ശതമാനം കുറയുകയുണ്ടായി. എന്നാല്‍, വായനയാണ് പിരിമുറുക്ക സംഹാരി എന്ന നിലയില്‍ മികച്ച ഫലം നല്‍കിയത്. ആറ് മിനിറ്റ് നേരം സ്വസ്ഥമായി വായിച്ചവരില്‍ പിരിമുറുക്ക നില ആദ്യമുണ്ടായിരുന്നതില്‍ നിന്ന് 68 ശതമാനം കുറഞ്ഞതായി പഠന റിപ്പോര്‍ട്ടില്‍ പറയുന്നു. സസെക്സ് സര്‍വകലാ ശാലയില്‍ ‘മൈന്‍ഡ് ലാബ് ഇന്‍റര്‍നാഷണല്‍’ എന്ന കണ്‍സള്‍ട്ടന്‍സിയാണ് പഠനം നടത്തിയത്
– അറിവ് പങ്കിടുക

മാപ്പിള ലഹളയെ മാധ്യമങ്ങള്‍ ചിത്രീകരിച്ചത് ഇങ്ങനെയാണ്


മലബാറിന്റെ സാമൂഹ്യ സ്വത്വരൂപീകരണത്തില്‍ ഏറ്റവും നിര്‍ണായക പങ്കുവഹിച്ചതും ഇന്ത്യന്‍ ദേശീയ പ്രസ്ഥാനത്തിന്റെ ഗതിയെ സ്വാധീനിച്ചതുമായ ചരിത്ര സംഭവമെന്ന നിലയില്‍ മലബാര്‍ കലാപം ഏറെ വിശകലനങ്ങള്‍ക്ക് വിധേയമാക്കപ്പെട്ടിട്ടുണ്ട്. കഴിഞ്ഞ തൊണ്ണൂറ് വര്‍ഷങ്ങള്‍ക്കുള്ളില്‍ കലാപത്തെക്കുറിച്ച് ധാരാളം ആഖ്യാനങ്ങള്‍ പുറത്തുവന്നിട്ടുണ്ട്.
അവയെല്ലാംതന്നെ കലാപത്തിന്റെ സാമ്പത്തികമോ അല്ലെങ്കില്‍ മതപരമോ ആയ ഉള്ളടക്കത്തെ ഊന്നിക്കൊണ്ടുള്ളവയാണെന്ന് കാണാം. കലാപത്തിന്റെ സ്വഭാവത്തെയോ കാര്യകാരണ ബന്ധത്തെയോ വീണ്ടുമൊരു ചര്‍ച്ചക്ക് വിധേയമാക്കുകയല്ല, മറിച്ച് കലാപം അക്കാലത്തെ പത്രമാധ്യമങ്ങള്‍ എങ്ങനെ റിപ്പോര്‍ട് ചെയ്തെന്നും ആ പത്രവ്യവഹാരങ്ങളിലടങ്ങിയ പ്രതിനിധാനത്തിന്റെ സാമൂഹ്യഫലങ്ങളെന്തായിരുന്നു എന്നും വിശകലന വിധേയമാക്കുകയാണിവിടെ.
ഏതുതരത്തിലുള്ള പ്രതിനിധാനങ്ങളും ഒരു പ്രത്യേക ഉദ്ദേശ്യത്തോടെ, ഒരു പ്രവണതയുടെ, സവിശേഷമായ ചരിത്ര, ബൌദ്ധിക സാമ്പത്തിക ഭൂമികയിലാണ് പ്രവര്‍ത്തനക്ഷമമാവുന്നത് എന്ന എഡ്വേഡ് സൈദിന്റെ നിരീക്ഷണം ഈ വിശകലനത്തിന്റെ അടിസ്ഥാന പ്രേരണയാണ്.
മലബാറില്‍ മാത്രമല്ല, ഇന്ത്യയിലാകമാനമുള്ള അച്ചടിമാധ്യമങ്ങളില്‍ കലാപം വന്‍ വാര്‍ത്താപ്രാധാന്യം നേടി. സ്വന്തം പക്ഷത്തെ ഇരകളായും അപരപക്ഷത്തെ വേട്ടക്കാരായും ചിത്രീകരിക്കുന്ന വിചിത്രമായ ഒരു വ്യവഹാരയുദ്ധമാണ് ഹിന്ദു/മുസ്ലിം താല്‍പര്യസംരക്ഷകരായ ഈ പത്രങ്ങള്‍ നടത്തിയത്. തീര്‍ച്ചയായും കലാപകാലത്ത് കലാപത്തിന്റെ വിശദമായ വാര്‍ത്തകളും വിവരങ്ങളുമറിയാന്‍ ഈ പത്രസ്ഥാപനങ്ങള്‍ക്കൊന്നുംതന്നെ യാതൊരു വഴിയുമുണ്ടായിരുന്നില്ല. എങ്കിലും ഓരോ ദിവസത്തെയും സംഭവങ്ങള്‍ ഇവര്‍ റിപ്പോര്‍ട് ചെയ്തുകൊണ്ടിരുന്നു. പൂര്‍ണമായും ബ്രിട്ടീഷ് സര്‍ക്കാരിന്റെ ഔദ്യോഗിക റിപ്പോര്‍ടുകളും ഇംഗ്ളീഷ് പത്രങ്ങളിലെ വാര്‍ത്തകളുമായിരുന്നു ഈ 'വാര്‍ത്താ നിര്‍മിതി'യുടെ ഉറവിടം. അതിനാല്‍തന്നെ കലാപ റിപ്പോര്‍ടുകളിലുടനീളം 'ഔദ്യോഗികഭാഷ്യം' നിലനില്‍ക്കുന്നതായി കാണാം.
മലയാള പത്രങ്ങളില്‍ 'മലബാര്‍ ഇസ്ലാം', 'സ്വാരാജ്', 'മുസ്ലിം' എന്നിവ മാത്രമാണ് താരതമ്യേന കലാപത്തെ സാധൂകരിക്കുന്ന രീതിയില്‍ വാര്‍ത്തകള്‍ നല്‍കിയത്. തീര്‍ച്ചയായും ഇവ ഖിലാഫത്ത് പാക്ഷികങ്ങളായിരുന്നു. മലയാള മനോരമ, നസ്രാണി ദീപിക, യോഗക്ഷേമം തുടങ്ങിയ പത്രങ്ങള്‍ അങ്ങേയറ്റം വിധ്വംസകമായ ഭാഷയിലാണ് കലാപം റിപ്പോര്‍ട് ചെയ്തത്. ബ്രിട്ടീഷ് ഭരണാനുകൂലികളായ ഈ പത്രങ്ങള്‍ മാപ്പിളമാരുടെ കൌശലത്തെയും പൈശാചികതയെയും കുറിച്ചുള്ള ധാരാളം 'കഥകള്‍' മെനഞ്ഞെടുത്തു. ചില പത്രങ്ങള്‍ അടിമബോധം പേറുന്ന ഹിന്ദുക്കളെ ഒന്നു തോണ്ടുകയുംചെയ്തു. നൂറ്റാണ്ടുകളായി മലബാറില്‍ നിലനിന്നിരുന്ന സാമുദായിക സന്തുലിതാവസ്ഥ സംഘര്‍ഷഭരിതമാക്കുന്നതില്‍ ഈ പത്രവാര്‍ത്തകള്‍ സുപ്രധാന പങ്കുവഹിച്ചു. ഭാഷാപത്രങ്ങള്‍ക്ക് ഇത്തരത്തില്‍ പ്രവര്‍ത്തിക്കാനാവുമെന്ന് ഗവണ്‍മെന്റിന് കൃത്യമായ ബോധ്യമുണ്ടായിരുന്നു.
ഈ ബോധ്യത്തിന്റെ അടിസ്ഥാനത്തിലാണ് സാമുദായിക ഐക്യം വീണ്ടെടുക്കുന്നതിനെക്കുറിച്ച് ചര്‍ച്ച ചെയ്യാന്‍ മലബാര്‍ കലക്ടര്‍ എല്ലിസ്, 1922 ജൂണില്‍ പത്രാധിപന്മാരുടെ ആലോചനായോഗം കോഴിക്കോട്ട് വിളിച്ചു ചേര്‍ത്തത് (മലയാള മനോരമ, 8 ജൂണ്‍ 1922). കേരള പത്രിക, മിതവാദി, റിഫോര്‍മര്‍, കേരള സഞ്ചാരി, മലബാര്‍ ജേണല്‍, മാര്‍ഗദര്‍ശി തുടങ്ങിയ പത്രാധിപര്‍ ഈ യോഗത്തില്‍ പങ്കെടുത്തപ്പോള്‍ കോഴിക്കോട് മനോരമ, സ്പെക്ടേറ്റര്‍ തുടങ്ങിയവ യോഗം ബഹിഷ്കരിക്കുകയാണ് ചെയ്തത്.
കലാപത്തെക്കുറിച്ചുള്ള നമ്മുടെ മാധ്യമ റിപ്പോര്‍ടുകള്‍ എത്രമാത്രം വൈരുധ്യം നിറഞ്ഞതും കലാപാനന്തര മലബാറില്‍ സാമുദായിക/ വര്‍ഗീയ ബോധം വളര്‍ത്തുന്നതില്‍ അവയ്ക്കുള്ള പങ്കെന്ത് എന്നും മനസ്സിലാക്കാന്‍ ഇത്തരമൊരന്വേഷണം നമ്മെ സഹായിക്കുന്നുണ്ട്.
യോഗക്ഷേമസഭയുടെ മുഖപത്രമായ യോഗക്ഷേമം, കലാപവുമായി ബന്ധപ്പെട്ട് നിരവധി വാര്‍ത്തകള്‍ നല്‍കിയിരുന്നു. 'മലബാറിലെ ചേലാകലാപം' എന്ന തലക്കെട്ടോടെ യോഗക്ഷേമത്തില്‍ വന്ന മുഖപ്രസംഗത്തില്‍ പറയുന്നത് ഇങ്ങനെ:
"കലാപകാരികളില്‍ മൂന്നുതരം ആള്‍ക്കാരുണ്ട്, ഒന്നാമത്തെ കൂട്ടര്‍ ഗവണ്‍മെന്റിനെതിരെ പ്രവര്‍ത്തിക്കുന്നവര്‍. രണ്ടാമത്തെ കൂട്ടര്‍ സാഹചര്യം മുതലെടുത്ത് കൊള്ള നടത്തുന്നവര്‍. മൂന്നാമത്തെ കൂട്ടര്‍ മതം മാറ്റാന്‍ നടക്കുന്ന മതഭ്രാന്തന്മാര്‍. ഇതില്‍ മൂന്നാമത്തെ തരക്കാര്‍ കുറവാണെന്നാണ് റിപ്പോര്‍ടുകള്‍. രണ്ടാം തരമാണ് കൂടുതല്‍...............ലഹള നടക്കുന്ന ദിക്കുകളില്‍ ഹിന്ദുക്കള്‍ ഇത്രമാത്രം അശക്തരും അനൈക്യമുള്ളവരുമായി കാണുന്നത് ആശ്ചര്യം! ഭീരുക്കള്‍ക്ക് ഇത്തരം ശിക്ഷ വന്നുചേരുന്നതില്‍ എന്താണ് ആശ്ചര്യപ്പെടാനുള്ളത്?....... കുത്തുവാന്‍ വരുന്ന പോത്തിനോട് വേദം ഓതിയിട്ടോ പീരങ്കിത്തോക്കിന്റെ ഉള്ളില്‍ക്കൂടി 'മധുരപലഹാരം' വര്‍ഷിക്കുന്നതുകൊണ്ടോ ലഹള ഒതുങ്ങുമെന്ന് വല്ലവരും വിചാരിക്കുന്നുണ്ടെങ്കില്‍ അവരെ മാപ്പിള ലഹളക്കാരെപ്പോലെ തന്നെ ഒരു തരം ഭ്രാന്തന്മാരാണെന്നേ കരുതുവാനുള്ളൂ.'' (യോഗക്ഷേമം, സെപ്തംബര്‍ 2, 1921).
കലാപബാധിതപ്രദേശങ്ങളില്‍ മാപ്പിളമാര്‍ക്കെതിരെ കൂട്ടായ ചെറുത്തുനില്‍പ്പ് സംഘടിപ്പിക്കാന്‍ ഹിന്ദുക്കള്‍ക്ക് കഴിയാത്തതിനെക്കുറിച്ച് ആശ്ചര്യപ്പെടുന്ന യോഗക്ഷേമം സ്വരക്ഷക്ക് സംഘടിക്കാന്‍ ഹിന്ദുക്കളെ ആഹ്വാനം ചെയ്യുന്നുമുണ്ട്. ടിപ്പുസുല്‍ത്താന്റെ കാലത്ത് 18ാം നൂറ്റാണ്ടിലെ സംഭവങ്ങള്‍ക്കും ഈ കലാപത്തിനും താരതമ്യം ആരോപിച്ചുകൊണ്ടാണ് ഈ മുഖപ്രസംഗത്തിന് ചേലാകലാപം എന്ന തലക്കെട്ടു നല്‍കിയെന്നതും ശ്രദ്ധേയമാണ്. മതഭ്രാന്തന്‍ എന്ന അധിനിവേശ നിര്‍മിതി എത്ര എളുപ്പത്തിലാണിവിടെ പ്രയോഗിച്ചിരിക്കുന്നത് എന്ന് കാണുക.
ഇതേ പത്രത്തിന്റെ മറ്റൊരു മുഖപ്രസംഗം പറയുന്നു: എല്ലാവരും കലാപത്തിന്റെ കാരണങ്ങള്‍ തെരയുകയാണ്...... ഈ മുഖപ്രസംഗവും ആര്‍ എച്ച് ഹിച്ച്കോക്കിന്റെ അഭിപ്രായപ്രകടനവും തമ്മിലുള്ള സാമ്യം പരിശോധിക്കുന്നത് രസകരമായിരിക്കും. ഹിച്ച്കോക്ക് പറയുന്നതിങ്ങനെ: കലാപത്തെക്കുറിച്ചുള്ള ഏറ്റവും ദുഃഖകരമായ കാര്യം അതിന് യുക്തിസഹമായ ഒരു കാരണം ഇല്ല എന്നുള്ളതാണ്...' പ്രാദേശിക പത്രങ്ങളിലെ വാര്‍ത്തകളും മുഖപ്രസംഗങ്ങളും കോളനി ഭരണകൂടത്തിന്റെ ഔദ്യോഗികഭാഷ്യങ്ങളും തമ്മിലുള്ള ഐകരൂപ്യം മലബാര്‍ കലാപത്തിന്റെ ചരിത്രത്തില്‍ നിരവധിയുണ്ട്. യോഗക്ഷേമത്തില്‍ എം പി തുപ്പന്‍ നമ്പൂതിരി എഴുതിയ മലബാര്‍ ലഹള എന്ന ലേഖനത്തില്‍ പറയുന്നതിങ്ങനെ:
'ടിപ്പു സുല്‍ത്താന്റെ അക്രമം മുതല്‍ മലയാളികളെ അടച്ചും മാപ്പിളമാരാക്കണമെന്നുള്ള അവരുടെ അതിമോഹം അന്നും പിന്നീടും തടഞ്ഞ നമ്മുടെ കരുണയേറിയ ബ്രിട്ടീഷ് ഗവര്‍മെന്റ് തന്നെ ഇപ്പോഴും അവരുടെ അഭീഷ്ടം പൂര്‍ത്തിയാക്കാന്‍ സാധിക്കാതെ കഴിച്ചതിനാല്‍ നമ്മള്‍ ബ്രിട്ടീഷ് ഗവര്‍മെന്റിനോട് വളരെ കടപ്പെട്ടിരിക്കുന്നു........വേണ്ട വേണ്ട സ്വയംഭരണം മാപ്പിള സ്വരാജ്യത്തിന്റെ മഹിമയും സ്വാദും ഖിലാഫത്തും ഞങ്ങള്‍ നല്ലവണ്ണം അനുഭവിച്ചു. (യോഗക്ഷേമം-ഒക്ടോബര്‍ 2, 1921)
മാന്നാനത്തുനിന്ന് പ്രസിദ്ധീകരിച്ച ബ്രിട്ടീഷ് അനുകൂല ക്രിസ്ത്യന്‍ പത്രമായ നസ്രാണി ദീപിക കലാപം സംബന്ധിച്ച് ഏകപക്ഷീയമായ റിപ്പോര്‍ടുകളാണ് നല്‍കിയത്. നിസ്സഹകരണത്തിന്റെ മറവില്‍ മാപ്പിളമാര്‍ ഹിന്ദുക്കളെ കൊള്ളയടിക്കാനും അവരെ മതംമാറ്റാനുമുള്ള അവസരം കണ്ടെത്തുകയായിരുന്നുവെന്ന് നസ്രാണി ദീപിക എഴുതി.
തിരൂര്‍ തൃക്കണ്ടിയൂര്‍ ക്ഷേത്രത്തില്‍ കയറിയ കലാപകാരികള്‍ ശ്രീകോവിലില്‍ ഖുറാന്‍ വച്ചുവെന്നാണ് മാപ്പിളമാരുടെ കാടത്തത്തിന് തെളിവായി ഈ പത്രം എഴുതിയത്(നസ്രാണി ദീപിക-സപ്തംബര്‍ 2, 1921). കലാപം അടിച്ചമര്‍ത്തിയ ബ്രിട്ടീഷ് പൊലീസ് ഓഫീസര്‍ തോമസിനെ അഭിനന്ദിച്ചുകൊണ്ട് സപ്തംബര്‍ ഒമ്പതിന് മുഖപ്രസംഗമെഴുതി. "ഇങ്ങനെ സ്വരാജ്യത്തിന്റെ അനുഭവവും ഹിന്ദു മുസ്ലിം മൈത്രിയുടെ സ്വാദും ബ്രിട്ടീഷ് ഗവര്‍മെന്റിന്റെ ശക്തിയും മലബാറിലെ മാപ്പിളമാര്‍ക്കും ഒരുവിധം അറിയാറായി. നീതിപൂര്‍ണമായ ബ്രിട്ടീഷ് പതാക സര്‍വോല്‍ക്കര്‍ഷേണ വര്‍ത്തിക്കട്ടെ (നസ്രാണി ദീപിക-സപ്തംബര്‍ 9, 1921). നസ്രാണി ദീപികയുടെ ബ്രിട്ടീഷ് വിധേയത്വത്തിന്റെ പശ്ചാത്തലം നോക്കുമ്പോള്‍ ഇത്തരം അഭിപ്രായപ്രകടനം തികച്ചും സ്വാഭാവികം.
മലയാള മനോരമ പത്രം തികച്ചും ക്ഷോഭകരമായ ഭാഷയാണ് കലാപത്തെക്കുറിച്ചുള്ള റിപ്പോര്‍ടുകളില്‍ ഉപയോഗിച്ചത്. മലയാള മനോരമയുടെ തെക്കന്‍ മലബാര്‍ കറസ്പോണ്ടന്റ് 'മലബാറി' എന്ന പേരിലാണ് കലാപം റിപ്പോര്‍ടു ചെയ്തത്. മലബാറി എഴുതി: നമ്മുടെ പൌഡറക വാസുദേവ വര്‍മ മഹാരാജാവ് (വാരിയന്‍കുന്നത്ത് കുഞ്ഞഹമ്മദ് ഹാജി) കലക്ടറും കര്‍ണലും ഗവര്‍ണറും മറ്റുമാണെങ്കിലും വാസ്തവത്തില്‍ ഒരു വണ്ടിക്കാരനായിരുന്നു എന്നറിയുന്നത് വായനക്കാര്‍ക്ക് രസകരമായിരിക്കും.....മണ്ണാര്‍ക്കാട്ടെ ലഹളത്തലവനായ നമ്മുടെ സീതിക്കോയത്തങ്ങള്‍ അല്‍പ്പദിവസമായി മനസ്താപത്തോടുകൂടി കാട്ടില്‍ ഒളിച്ചിരിക്കുകയാണത്രെ. തങ്ങളുടെ പ്രിയപത്നി തങ്ങളെ കൈവിട്ടുപോയതായി ഒരു പ്രസ്താവം നടക്കുന്നുണ്ട്. ലഹളക്കാരനായാലും ചാക്യാര് പറയുംപോലെ 'ഭാര്യ ഭേസി' ആയാല്‍ എല്ലാം തകരാറുതന്നെ.'' (മലയാള മനോരമ-19 സപ്തംബര്‍ 1921)
മലബാര്‍ ലേഖകന്റെ കൂടുതല്‍ ആക്ഷേപ കരമായ പരാമര്‍ശമുള്ള മറ്റൊരു വാര്‍ത്ത ഇങ്ങനെ: കഴിഞ്ഞ ആഗസ്ത് മുതല്‍ക്ക് കൊള്ളയും കൊലയും ചെയ്ത് കുലുക്കിയിരുന്ന രാക്ഷസവംശത്തിലെ പ്രധാനന്‍മാരായ മാലി, സുമാലി, മാല്യവന്‍മാരില്‍ സുമാലി ചെമ്പ്രശ്ശേരി തങ്ങളും മാല്യവാന്‍ സീതിക്കോയതങ്ങളും പിടിക്കപ്പെട്ട വിവരം മുമ്പേ അറിയിച്ചിട്ടുണ്ടല്ലോ! പല 'കുരുമാലി'കളും കാണിച്ച മാലിയായ ഹാജി (സാക്ഷാല്‍ കുഞ്ഞമ്മദാജി) മാത്രമേ ലഹളത്തലവരില്‍ ശേഷിപ്പുള്ളൂ. ഇയാളുടെ കഥയും 'മന്‍മാത്രശേഷം ബലം' എന്നാകാന്‍ ഇനി അധികം താമസമില്ല...തങ്ങളാലാവും വിധം നാടുമുടിച്ച ഈ തങ്ങന്മാരും സ്വതേ തൊങ്ങന്മാരായിരുന്നെന്നും മാപ്പിളമാരുടെ മതഭ്രാന്ത് നിമിത്തം ഇവര്‍ക്ക് തുംഗത വെറുതെ കൊടുത്തതാണെന്നും സൂക്ഷ്മര്‍ക്കറിയാം.'' (മലയാള മനോരമ-29 സപ്തംബര്‍ 1921)
കലാപനേതാക്കളെ പിശാചുകളായി ചിത്രീകരിച്ചത് പുരാണേതിഹാസങ്ങളിലെ ദുഷ്ട കഥാപാത്രങ്ങളെ മാതൃകയാക്കിയായിരുന്നു. ഈ പത്രങ്ങളുടെ വാര്‍ത്തകളില്‍ നന്മയുടെ ശക്തികള്‍ക്കെതിരെ നിരന്തരയുദ്ധം നടത്തുന്ന പുരാണകഥകളിലെ രാക്ഷസന്മാരുമായാണ് കലാപനേതാക്കള്‍ക്ക് സാമ്യം. സൌമ്യനും മതപണ്ഡിതനുമായ ആലി മുസ്ല്യാരെപ്പോലും ഇത്തരത്തിലാണ് കേരള പത്രിക ചിത്രീകരിച്ചത്. ഒരു ഹിന്ദുവിനെ കൊല്ലുന്നയാള്‍ക്ക് സ്വര്‍ഗത്തില്‍ ചെന്നാല്‍ സ്വര്‍ലോക സുന്ദരിമാരായ ഹൂറിമാരെ കെട്ടാനാവുമെന്ന് ആലി മുസ്ല്യാര്‍ പറഞ്ഞതായി ഈ പത്രം എഴുതി. കലാപത്തെക്കുറിച്ച് ആധികാരിക പഠനം നടത്തിയവരാരും തന്നെ ആലി മുസ്ല്യാര്‍ വര്‍ഗീയവിദ്വേഷം ഉണര്‍ത്തുന്ന ഒരു വാക്കുപോലും കലാപകാലത്ത് പറഞ്ഞതായി രേഖപ്പെടുത്തിയിട്ടില്ല.
മലയാള മനോരമയില്‍ ജോനകപ്പട എന്ന തലക്കെട്ടോടെ മൂര്‍ക്കോത്ത് കുമാരന്‍ അതിദീര്‍ഘമായ ഒരു ലേഖനം എഴുതിയിരുന്നു. ഭാവിയില്‍ ഇത്തരം ലഹളകള്‍ പൊട്ടിപ്പുറപ്പെടുന്നത് തടയാനുള്ള നടപടികളെക്കുറിച്ച് അദ്ദേഹം ചില നിരീക്ഷണങ്ങള്‍ നടത്തുന്നുണ്ട്. പ്രശ്നപരിഹാരത്തിനുള്ള മാര്‍ഗം മാപ്പിളമാരുടെ മതഭ്രാന്ത് അടിച്ചൊതുക്കുകയോ അല്ലെങ്കില്‍ ഹിന്ദുക്കളെയും അതുപോലെ മതഭ്രാന്തന്മാരാക്കുകയോ വേണമെന്നാണ്മൂര്‍ക്കോത്ത് പറയുന്നത്.
അദ്ദേഹം ഈ ലേഖനത്തില്‍ തുടരുന്നു: ".....ഹിന്ദുക്കളായ ഹിന്ദുക്കളൊക്കെ ഐക്യത്തിലും സ്നേഹത്തിലുമാണെന്നും അവര്‍ ആപത്തുകാലം തമ്മില്‍ സഹായിക്കുമെന്നും കാണുമ്പോള്‍ ജോനകര്‍ക്ക് അവരുടെ നേരെ ലഹള ചെയ്യാനും അവരില്‍ യോഗ്യരെ പിടിച്ച് തൊപ്പിയിടീക്കാനും ധൈര്യംവരുമെന്ന് നിങ്ങള്‍ വിചാരിക്കുന്നുണ്ടോ? ഞാന്‍ വിചാരിക്കുന്നില്ല (മലയാള മനോരമ-17 സപ്തംബര്‍ 1921).
കോളനി ഭരണത്തോടുള്ള വിധേയത്വം തുറന്നുകാട്ടുന്ന മലയാള മനോരമയില്‍ വന്ന 'മലബാറിലെ മാപ്പിളമാര്‍' എന്ന ലേഖനം ഇങ്ങനെ പറയുന്നു: "ജോനക മാപ്പിളമാരുടെ ചരിത്രത്തില്‍ പ്രധാനമായുള്ള ഒരും സംഗതി അവരുടെ ചോരചൊരിച്ചിലിനുള്ള താല്‍ര്യമാകുന്നു. അറബി വംശക്കാരായ ഇക്കൂട്ടര്‍ മതതീക്ഷ്ണത കൊണ്ടോ രക്തപ്രിയത്വം കൊണ്ടോ പ്രസിദ്ധി സമ്പാദിച്ചിട്ടുള്ളവരാണ്....ടിപ്പു സുല്‍ത്താന്‍ കാലം മുതല്‍ മാപ്പിളമാര്‍ കൂടെക്കൂടെ ക്ഷോഭിക്കുകയും തങ്ങളുടെ സമീപ ഹിന്ദുജനങ്ങളെ ദ്രോഹിക്കുകയും ചെയ്തിട്ടുണ്ട്.'' (മലയാള മനോരമ-20 സപ്തംബര്‍ 1921).
ഇംഗ്ളീഷ് പത്രങ്ങള്‍ സര്‍ക്കാര്‍ അനുകൂലമായിരുന്നതുകൊണ്ടുതന്നെ കലാപത്തെക്കുറിച്ച് വിഷലിപ്തമായ വിവരണങ്ങളാണ് നല്‍കിയത്. കോഴിക്കോട്ടുനിന്ന് പ്രസിദ്ധീകരിച്ചിരുന്ന വെസ്റ്റ് കോസ്റ്റ് റിഫോമറില്‍ 1921 ഒക്ടോബര്‍ 9ന്റെ പ്രധാന വാര്‍ത്ത നോക്കുക:
"ഖിലാഫത്തിന്റെ പേരില്‍ മാപ്പിള മതഭ്രാന്തന്മാര്‍ ജിഹാദ് പ്രഖ്യാപിച്ചിട്ട് ആറാഴ്ചയിലേറെയായി. തിരൂരങ്ങാടി പള്ളിയില്‍ നിയമിതനായ പ്രഥമ സുല്‍ത്താന്‍ ആലി മുസ്ല്യാര്‍ കീഴടങ്ങി...കൊടുംപാതകത്തിന് വിചാരണ നേരിടാന്‍ അയാള്‍ പരിക്ഷീണനായി നില്‍ക്കുകയാണ്. കൊള്ളക്കാരുടെ നേതാവ് വാരിയന്‍കുന്നത്ത് കുഞ്ഞഹമ്മദ് ഹാജി ഇപ്പോഴും ഹിന്ദുക്കള്‍ക്കെതിരെയുള്ള അതിക്രൂരമായ നടപടികള്‍ക്ക് നേതൃത്വം കൊടുക്കുകയാണ്. ഭയചകിതരായ ഹിന്ദുക്കള്‍ക്കുമേല്‍ സ്വന്തം താല്‍പര്യം അടിച്ചേല്‍പ്പിക്കുന്ന നിലമ്പൂരിലെ ഈ കിരീടം വെക്കാത്ത രാജാവിന്റെ ക്രൂരതകളും താന്‍പ്രമാണിത്തവും സ്പെയിനിലെ സിയറ കൊള്ളത്തലവന്മാരെയാണ് ഓര്‍മിപ്പിക്കുന്നത്...പൌരസ്ത്യസ്വേഛാധിപതികളുടെ ഇഷ്ടവിനോദമായ തലവെട്ടല്‍ വിട്ടുവീഴ്ചയില്ലാതെ ഹിന്ദുക്കളില്‍ പ്രയോഗിക്കപ്പെട്ടു. കുഞ്ഞഹമ്മദ് ഹാജിയുടെയും ചെമ്പ്രശ്ശേരി തങ്ങളുടെയും മനുഷ്യത്വഹീനമായ ക്രൂരതയില്‍ ഏറനാട്, വള്ളുവനാട് താലൂക്കുകളുടെ ഉള്‍പ്രദേശങ്ങള്‍ ഭയന്നുവിറച്ചുനില്‍ക്കുകയാണ്.''
മറ്റു മലയാള പത്രങ്ങള്‍ ചെയ്തതില്‍ നിന്ന് ഭിന്നമായി ഈ പത്രം കലാപനേതാക്കളുടെ രാക്ഷസീയത ചിത്രീകരിക്കാന്‍ യൂറോപ്യന്‍ ചരിത്രത്തില്‍ നിന്നുള്ള രൂപകങ്ങള്‍ ആവോളം പ്രയോഗിച്ചു. ഇത്തരം വാര്‍ത്തകള്‍ ഹിന്ദുക്കള്‍ക്കിടയിലെ മുസ്ലിം പേടി വര്‍ധിപ്പിക്കാനും ഇരു സമുദായങ്ങള്‍ തമ്മിലുളള ഭിന്നത രൂക്ഷമാക്കാനുമാണ് സഹായിച്ചത്.
ബ്രിട്ടീഷ് അനുകൂലപത്രങ്ങള്‍ കലാപത്തെക്കുറിച്ച് വിഷലിപ്തമായ വാര്‍ത്ത നല്‍കിയപ്പോള്‍ ദേശീയപ്രസ്ഥാനത്തെ അനുകൂലിക്കുന്ന പത്രങ്ങളും ഈ ദൌത്യത്തില്‍ ഒട്ടും പിന്നിലായിരുന്നില്ല.
മലബാറിലെ ദേശീയപ്രസ്ഥാനത്തെ ഔദ്യോഗികമായി പ്രതിനിധാനം ചെയ്തത് മാതൃഭൂമി പത്രമായിരുന്നു. ബോധപൂര്‍വം വര്‍ഗീയമായിരുന്നില്ലെങ്കിലും മാതൃഭൂമിയുടെ നിലപാട് അതിന്റെ വായനക്കാരില്‍ സാമുദായിക ഭിന്നത സൃഷ്ടിക്കുന്നതില്‍ പരോക്ഷമായ പങ്ക് വഹിച്ചു. മാതൃഭൂമിയുടെ മുഖപ്രസംഗങ്ങളും പ്രധാനവാര്‍ത്തകളും വിശകലനം ചെയ്യുന്നത് ഈ സാഹചര്യത്തില്‍ പ്രസക്തമാണ്. കലാപത്തിന് രണ്ടു വര്‍ഷത്തിനുശേഷം 1923ലാണ് മാതൃഭൂമി ആരംഭിച്ചത്. 1923, 1924 വര്‍ഷങ്ങളില്‍ കലാപം സംബന്ധിച്ച് അസംഖ്യം ലേഖനങ്ങളാണ് മാതൃഭൂമി പ്രസിദ്ധീകരിച്ചത്. മാതൃഭൂമി തുടങ്ങിയ വര്‍ഷത്തില്‍ തന്നെ കോണ്‍ഗ്രസ് നേതാവുകൂടിയായ പത്രാധിപര്‍ കെ മാധവന്‍ നായര്‍ കലാപത്തിന്റെ കാര്യകാരണങ്ങള്‍ വിശകലനം ചെയ്യുന്ന ലേഖനപരമ്പര തന്നെ എഴുതി.
ഇതില്‍ ഒരു ലേഖനം മാപ്പിളമാരുടെ മതഭ്രാന്തിനെക്കുറിച്ച് വിശദമായി പ്രതിപാദിക്കുന്നു:
"മതത്തിന് വേണ്ടി മരണപ്പെട്ട സൈതാക്കന്മാരെപ്പറ്റി വാഴ്ത്തുന്ന പാട്ടുകള്‍ അവന്‍ ചെറുപ്പം മുതല്‍ക്കെ കേട്ടിട്ടുണ്ട്. അത് അവന്റെ മനസ്സില്‍ പല മോഹങ്ങളും ജനിപ്പിക്കുന്നു. അതല്ലെങ്കില്‍ മാര്‍ഗത്തില്‍ കൂടിയ ഹിന്ദുമാര്‍ഗം പൊളിച്ചുവെന്നും കേള്‍ക്കുന്നു. മതത്തിന് അപമാനം നേരിട്ടാല്‍ അതിനു പരിഹാരം വരുത്താതെ ഇരിക്കുന്നവന്‍ ഇസ്ലാമല്ല എന്നവന്‍ മനസ്സിലാക്കുന്നു.... നിര്‍ബന്ധിത മതപരിവര്‍ത്തനം തെറ്റാണെന്ന് ഇസ്ലാം ഘോഷിക്കുന്നുണ്ടെങ്കിലും അക്കാര്യത്തില്‍ അവന്‍ മാര്‍ഗദര്‍ശിയായി എടുത്തിട്ടുള്ളത് മുഹമ്മത് നബിയെയല്ല, ടിപ്പുസുല്‍ത്താനെയാണ്. വഴിക്ക് കാണുന്ന ഹിന്ദുക്കളെയെല്ലാം അവന്‍ കൊല്ലും.'' (മാതൃഭൂമി മെയ് 24. കെ മാധവന്‍നായര്‍, ഹിന്ദു-മുസ്ലിം ബന്ധം)
1923 മെയ് 26ന്റെ മുഖപ്രസംഗം ഇങ്ങനെ പറയുന്നു: "മാപ്പിളക്ക് തന്റെ പള്ളിയോടുള്ള സ്നേഹവും ഭക്തിയും ഹിന്ദുവിന് തന്റെ ക്ഷേത്രത്തോട് ഉണ്ടായിരുന്നെങ്കില്‍ ലഹളസ്ഥലങ്ങളില്‍ ഇത്രയധികം ക്ഷേത്രങ്ങള്‍ക്ക് നാശം വരില്ലായിരുന്നു. തന്റെ ക്ഷേത്ര സംരക്ഷണശ്രമത്തില്‍ ഒരു ഹിന്ദുവിനെങ്കിലും അപകടം പിണഞ്ഞിട്ടുണ്ടെങ്കില്‍ അത് ഹിന്ദു സമുദായത്തിന് തന്നെ അഭിമാനകരമായ സംഗതിയാകുമായിരുന്നു.'' (മെയ് 26, മാതൃഭൂമി)
"മലബാറിലെ ഹിന്ദുക്കളെ ഉണര്‍ത്തിക്കുവാന്‍ മൂഞ്ചിന്റെ കോഴിക്കോട്ടെ സമ്മേളനത്തിന് സാധിക്കുന്ന പക്ഷം ഹിന്ദുക്കളെ സംബന്ധിച്ച് അനുഗ്രഹമായി കലാശിപ്പാനെ വഴിയുള്ളൂ'' എന്നും ഹിന്ദുമഹാസഭാ നേതാവ് ഡോ. മൂന്‍ജെ കോഴിക്കോട് സംഘടിപ്പിച്ച ഹിന്ദു സമ്മേളനത്തെക്കുറിച്ച് മുഖപ്രസംഗം പ്രത്യാശിക്കുന്നു.
ഇത്തരത്തില്‍ മാതൃഭൂമിയില്‍ വന്ന ലേഖനങ്ങളും മുഖപ്രസംഗങ്ങളും കോണ്‍ഗ്രസ് പാര്‍ടിയിലെ മുഹമ്മദ് അബ്ദുറഹ്മാനും മൊയ്തുമൌലവിയുമടങ്ങുന്ന വിഭാഗത്തെ നന്നായി ചൊടിപ്പിച്ചു. ദേശീയപ്രസ്ഥാനത്തെ അനുകൂലിക്കുന്ന അല്‍-അമീന്‍ പത്രത്തില്‍ എഴുതിയ നിരവധി ലേഖനങ്ങള്‍കൊണ്ടാണ് ഇവര്‍ മാതൃഭൂമിയുടെ മുസ്ലിം വിരുദ്ധ നിലപാടുളെ കടന്നാക്രമിച്ചത്. മാതൃഭൂമിയും അല്‍ അമീനും തമ്മില്‍ നല്ല ബന്ധമായിരുന്നില്ലെന്ന് അല്‍-അമീനില്‍ സബ് എഡിറ്ററായിരുന്ന വിദ്വാന്‍ ടി ആര്‍ രാമന്‍മേനോന്‍ നിരീക്ഷിച്ചിട്ടുണ്ട്.
രാമന്‍മേനോന്റെ അഭിപ്രായത്തില്‍ 'ഒരിക്കലും ഈ രണ്ടു ദേശീയ പത്രങ്ങളും തമ്മിലുള്ള ബന്ധം സുഖകരമായിരുന്നില്ല. ഒളിഞ്ഞും തെളിഞ്ഞും അല്‍ അമീന്‍ മാതൃഭൂമി എഡിറ്റോറിയലുകള്‍ക്ക് ശക്തമായ ഭാഷയില്‍ പ്രതികരിച്ചു. ഈ കാലഘട്ടത്തില്‍ ഈ രണ്ട് ദേശീയ പത്രങ്ങളും ഏതെങ്കിലും രീതിയില്‍ പാരസ്പര്യമോ ഐക്യമോ നിലനിന്നതായി എനിക്ക് കാണാനായിട്ടില്ല. (ട ഗ ജീലേേസസമ -മുഹമ്മദ് അബ്ദുറഹിമാന്‍, പേജ് 145-146)
മാതൃഭൂമിയുടെ മുഖപ്രസംഗങ്ങളെയും അതിന്റെ ചുവടുമാറ്റത്തെയും പ്രത്യക്ഷമായും പരോക്ഷമായും എതിര്‍ക്കുന്ന എഡിറ്റോറിയലുകള്‍ അല്‍-അമീനില്‍ തുടര്‍ച്ചയായി വന്നു. ഈ വിവാദത്തെ തുടര്‍ന്ന് മാധവന്‍നായര്‍ തന്റെ ലേഖനങ്ങള്‍ പൊടുന്നനെ അവസാനിപ്പിക്കുകയും ചെയ്തു. മാതൃഭൂമിയില്‍ വന്ന ലേഖനങ്ങള്‍ സമാഹരിച്ചാണ് അദ്ദേഹത്തിന്റെ ഭാര്യ കല്യാണിക്കുട്ടി അമ്മ 1971ല്‍ 'മലബാര്‍ കലാപം' എന്ന പുസ്തകം പ്രസിദ്ധീകരിച്ചത്. ഈ പുസ്തകത്തില്‍ മലബാര്‍ കലാപത്തിന്റെ വേരുകള്‍ അന്വേഷിച്ചു ചെല്ലുന്ന മാധവന്‍നായര്‍ ചെന്നെത്തുന്നത് ടിപ്പുവിലാണ്. മലബാറിലെ ഹിന്ദുക്കള്‍ക്ക് ഒട്ടേറെ ബുദ്ധിമുട്ടുകള്‍ ഉണ്ടാക്കിയ ടിപ്പുവാണ് പിന്നീടുണ്ടായ കലാപങ്ങളുടെ ഗുരുനാഥനെന്ന് മാധവന്‍നായര്‍ കണ്ടെത്തുന്നു. (കെ മാധവന്‍നായര്‍-മാപ്പിള കലാപം, 1971-പേജ് 15)
മറുവശത്ത് ഖിലാഫത്തിനെ അനുകൂലിച്ച മുസ്ലിം പത്രങ്ങളാവട്ടെ, കലാപത്തെ തങ്ങളുടേതായ രീതിയിലാണ് വ്യാഖ്യാനിച്ചത്. ഇതാവട്ടെ സാമുദായിക സ്പര്‍ധ നിലനിന്ന കലാപനാളുകളില്‍ മുസ്ലിം സാമുദായിക സ്വത്വത്തെ പ്രോത്സാഹിപ്പിക്കുന്ന തരത്തിലുള്ളതായിരുന്നു. ഖിലാഫത്തിനെ അനുകൂലിച്ച മുസ്ലിം പ്രസിദ്ധീകരണമായ കേരള ചന്ദ്രിക എഴുതി:
"മാപ്പിള സമുദായത്തിന്റെ രോഷം ജ്വലിപ്പിക്കുന്ന രീതിയില്‍ പള്ളി അശുദ്ധമാക്കുകയും സ്വന്തം മതതത്വങ്ങളെ നിന്ദിക്കുകയുമാണ് ഗവണ്‍മെന്റും മലബാറിലെ നിഷ്ഠുരനായ കലക്ടറും ചെയ്യുന്നത്. ബഹുമാന്യനായ മലപ്പുറം തങ്ങള്‍ പ്രാര്‍ത്ഥിക്കുന്ന സമയത്ത്തന്നെ പള്ളാളപള്ളി വളയുന്നത് ഏതൊരു മുസ്ലിമിനാണ് കയ്യുംകെട്ടി നോക്കിനില്‍ക്കാനാവുക'' (കേരള ചന്ദ്രിക, 29 ആഗസ്ത് 1921).
സെപ്തംബറില്‍ തന്നെ മുസ്ലിമും കേരള ചന്ദ്രികയും ഹിന്ദുക്കളാല്‍ ബലാല്‍ക്കാരം ചെയ്യപ്പെട്ട മാപ്പിള സ്ത്രീകളുടെ കദനകഥകളടങ്ങിയ ലേഖനം 'മലബാറിലെ മാപ്പിള സ്ത്രീകളുടെ അവസ്ഥ' എന്ന പേരില്‍ പ്രസിദ്ധീകരിച്ചു. ധനികമുസ്ലിങ്ങളെ അവരുടെ കടമയെക്കുറിച്ച് ബോധ്യപ്പെടുത്തിക്കൊണ്ട് കേരള ചന്ദ്രിക മറ്റൊരു ലേഖനത്തില്‍ എഴുതുന്നു: "രാത്രിയുടെ അന്ത്യയാമങ്ങളില്‍ ചില പോലീസുദ്യോഗസ്ഥര്‍ വെള്ളക്കുതിരപ്പുറത്തേറി (മൂക്കറ്റം കുടിച്ച്) നിരാലംബരായ മാപ്പിള പെണ്ണുങ്ങളുടെ ചാരിത്യ്രം കവരുന്നു... ഈ ദുരിതത്തില്‍ ഈ പാവങ്ങളെ സഹായിക്കാനാരാണുള്ളത്? (കേരള ചന്ദ്രിക-22 ജൂലൈ 1922)
ഹിന്ദുക്കള്‍ മുസ്ലിം സ്ത്രീകളോട് കാട്ടിയ അക്രമങ്ങളെ പെരുപ്പിച്ച് വിവരിക്കുന്ന കഥകളാണ് 1922 സെപ്തംബര്‍ 28ന്റെ മുസ്ലിമിലും 1922 ഒക്ടോബര്‍ 2ന്റെ കേരള ചന്ദ്രികയിലും പ്രസിദ്ധീകരിച്ചത്. 'ഈ പ്രദേത്തെ നിസ്സഹായരായ മാപ്പിള സ്ത്രീകളെ ഹിന്ദുക്കള്‍ ഉപദ്രവിച്ചു എന്ന ആരോപണത്തില്‍ സത്യമുണ്ടെന്നാണ് മറ്റൊരു മുസ്ലിം പ്രസിദ്ധീകരണമായ മുസ്ലിം സഹകാരി അവകാശപ്പെട്ടത്. 1921ല്‍ ഇതേ പത്രത്തിലെ മറ്റൊരു കുറിപ്പില്‍ പറയുന്നത് മുസ്ലിങ്ങള്‍ ഹിന്ദു വീടുകള്‍ കൊള്ളയടിച്ചെന്ന ഇംഗ്ളീഷുകാരുടെ ഉടമസ്ഥതയിലുള്ള പത്രങ്ങളില്‍ ആരോപണം പച്ചക്കള്ളമാണെന്നാണ്.
ഇത്തരം വാര്‍ത്തകള്‍ ശരിയായാലും തെറ്റായാലും അവ രാജ്യത്തെ മറ്റിടങ്ങളിലുള്ള സ്വന്തം മതക്കാരുടെ അനുഭാവം നേടിയെടുക്കാന്‍ വേണ്ടിയുള്ളതായിരുന്നു. അതുകൊണ്ടുതന്നെ മുസ്ലിങ്ങള്‍ക്ക് മുറിവേറ്റിരിക്കയാണെന്നും അവര്‍ അപകടത്തിലാണെന്നും അന്യമതക്കാന്‍ അപകടകരമായാണ് പെരുമാറുന്നതെന്നുമുള്ള വാര്‍ത്തകളുടെ നിര്‍മിതിയിലാണ് മുസ്ലിം പത്രങ്ങള്‍ മുഴുകിയത്. അക്രമങ്ങളുടെയും വേട്ടയാടലിന്റെയും വാര്‍ത്തകള്‍ ആലങ്കാരികമായി അവതരിപ്പിക്കപ്പെട്ടപ്പോള്‍ ഇത്തരം അക്രമപ്രവര്‍ത്തനങ്ങള്‍ സ്വന്തം വിഭാഗത്തെ ഏകീകരിക്കാനുള്ള ഉപാധിയായി മാറുകയായിരുന്നു.
ദേശീയ മാധ്യമങ്ങളും അവരുടെ നിലപാടുകള്‍ക്ക് അനുസരിച്ചു കലാപം റിപ്പോര്‍ട്ട് ചെയ്തു.
യു പിയില്‍ ഏറെക്കുറെ നിര്‍ജീവമായിക്കിടക്കുകയായിരുന്ന ആര്യസമാജം കലാപം ദേശീയ ശ്രദ്ധയില്‍ കൊണ്ടുവരുന്നതിന് നിര്‍ണായക പങ്കുവഹിച്ചു. ചാരുഗുപ്ത നിരീക്ഷിച്ചപോലെ, ഹിന്ദുസമുദായ സംഘാടനത്തിനും സമുദായ സംഘാടനത്തിനും സമുദായ ഉദ്ഗ്രഥനത്തിനും വീണുകിട്ടിയ അവസരമായി ആര്യസമാജം കലാപത്തെ ഉപയോഗപ്പെടുത്തി. കലാപത്തിന്റെ ഭീകരതയും മാപ്പിളമാരുടെ പൈശാചികതയും ചിത്രീകരിക്കുന്ന ധാരാളം ഹിന്ദി ലഘുലേഖകള്‍ ഉത്തര്‍പ്രദേശില്‍നിന്ന് പ്രത്യക്ഷപ്പെടുന്നത് 1922ല്‍ തന്നെയാണ്.
കലാപത്തെക്കുറിച്ച് റിപ്പോര്‍ട് തയാറാക്കാന്‍ നിരവധി ഹിന്ദി വാര്‍ത്താ ലേഖകര്‍ മലബാറില്‍വന്ന് തമ്പടിച്ചു. ഹിന്ദു മഹാസഭയുടെ ഡോ. മൂന്‍ജെ എഴുതുന്നു: ' സ്വന്തം വീടും സ്ത്രീകളെയും സംക്ഷിക്കുന്നതില്‍ മലബാറിലെ ഹിന്ദുക്കള്‍ കാണിച്ച അലംഭാവത്തിനും നിസ്സഹായതക്കും കാരണമായി വര്‍ത്തിച്ച 'സാമൂഹ്യശാസ്ത്ര'ത്തെക്കുറിച്ച് ശാസ്ത്രീയ പഠനം നടത്തേണ്ടത് നമ്മെ (ഹിന്ദുക്കളെ) സംബന്ധിച്ചിടത്തോളം അടിയന്തര ആവശ്യമാണ്... നമുക്കിടയിലെ അനൈക്യവും വെറുപ്പും നമ്മെ വിധേയന്മാരും ഭീരുക്കളുമാക്കിയിരിക്കുന്നു (ഇന്ത്യന്‍ സോഷ്യല്‍ റിഫോര്‍മര്‍, ബോംബെ 1922 മാര്‍ച്ച് 26)
ഇക്കാലത്ത് ലക്നോവില്‍നിന്ന് പ്രസിദ്ധീകരിച്ച ആര്യസമാജിന്റെ ചില ഹിന്ദി ലഘുലേഖകള്‍ പരിശോധിക്കുന്നത് പ്രസക്തമായിരിക്കും. പജീതെ കെ ഗോള്‍ഗപ്പ (തര്‍ക്കത്തിന്റെ കാരണം) എന്ന പ്രബന്ധത്തില്‍ ഗുപ്ത ജാലു എഴുതുന്നു.
'മാപ്പിളമാരാല്‍ സ്വന്തം സഹോദരങ്ങള്‍ പീഡിപ്പിക്കപ്പെടുന്നത് കൈയുംകെട്ടി നോക്കിനില്‍ക്കാന്‍ ഇവര്‍ക്കെങ്ങനെ കഴിയുന്നു. ഇന്ത്യ സ്വാതന്ത്യ്രത്തിലേക്ക് നീങ്ങുന്ന ഈ വേളയില്‍ മാപ്പിളമാരാല്‍ പീഡിപ്പിക്കപ്പെടുന്ന ഹിന്ദുക്കളുടെ നിലവിളി 'രാജ്യത്തെ നടുക്കുന്നു... ഇന്ത്യയിലെ പ്രധാന ജാതി (ഹിന്ദു) ശക്തമായി നിലകൊണ്ടില്ലെങ്കില്‍ മുസ്ളിങ്ങളുടെ ഇത്തരത്തിലുള്ള കലാപം തുടരുക തന്നെ ചെയ്യും.' ഇതിലും മോശമായ അപരത്വവല്‍ക്കരണത്തിന്റെ ഭാഷയിലാണ് ബിഷന്‍ ശര്‍മയുടെ 'മലബാര്‍ ദൃശ്യ് (1923 മീററ്റ്) എന്ന പ്രബന്ധത്തില്‍ കലാപത്തെ ദൃശ്യവല്‍ക്കരിക്കുന്നത്. ഇതിലെ 'സത്യവതി വിമലയുടെ ദീനരോദനം' എന്ന 'സംഭവകഥ' ഏതൊരു ഹിന്ദുവിന്റെ മനസ്സിലും മുസ്ലിം വിദ്വേഷത്തിന്റെ വിത്തുപാകും. ഇതേ ഗണത്തില്‍പ്പെടുന്ന സത്യവത് ശര്‍മയുടെ 'മലബാറും ആര്യസമാജവും' (അഗ്ര1923) എന്ന ലഘുലേഖയില്‍ നിര്‍ബന്ധിതമായി മുസ്ലിമാക്കപ്പെട്ട ഹിന്ദുയുവതി ആര്യസമാജത്തിന്റെ പ്രവര്‍ത്തകരെ കണ്ടപ്പോള്‍ മാപ്പിളക്കുപ്പായം ഊരിയെറിഞ്ഞ് ഹിന്ദുവസ്ത്രമണിയാന്‍ കാണിച്ച ആവേശത്തെക്കുറിച്ച് നാടകീയമായി പ്രതിപാദിക്കുന്നു.
ദേശത്തിന്റെ ഒരു മുക്കില്‍ നടന്ന ഒരു സംഭവത്തെക്കുറിച്ചുള്ള ഇത്തരത്തിലുള്ള ആഖ്യാനങ്ങള്‍ ഇന്ത്യയിലെ മുഴുവന്‍ മുസ്ലിങ്ങളെയും മതഭ്രാന്തനെന്ന ഒറ്റ സംജ്ഞയിലേക്ക് ന്യൂനീകരിക്കുകയാണ് ചെയ്തത്. ഈ വ്യവഹാരങ്ങളിലൂടെ മതമെന്ന ഒറ്റ ഏകകത്തിലേക്ക് ന്യൂനീകരിക്കപ്പെട്ട മുസ്ലിങ്ങള്‍ ഏകശിലാരൂപത്തിലുള്ളതും കെട്ടുറപ്പുള്ളതും ഒരേ പ്രകൃതക്കാരുമാണെന്ന ധാരണയും കൂട്ടത്തില്‍ പ്രസരിപ്പിച്ചു. ഒപ്പം ഹിന്ദുക്കള്‍ ഏകസമൂഹമായും വിഭാവനം ചെയ്യപ്പെട്ടു. ഹിന്ദുവെന്ന കല്‍പ്പിതസമുദായത്തിലുള്‍പ്പെട്ട വലിയ വിഭാഗം ജനങ്ങള്‍ക്ക് ഹിന്ദു ആചാരങ്ങളിലും പുണ്യഗ്രന്ഥങ്ങളിലും ക്ഷേത്രങ്ങളിലും അവകാശം നിഷേധിക്കപ്പെട്ടിരുന്നുവെന്ന വസ്തുത മറച്ചുവെക്കപ്പെടുകയും അവരെ മുസ്ലിങ്ങള്‍ക്കെതിരെ അണിനിരത്തപ്പെടുകയും ചെയ്തു.
ഇതിന് പ്രതികരണമെന്നോണം ഉത്തരേന്ത്യയിലെ ഉര്‍ദുപത്രങ്ങള്‍ നേര്‍വിപരീതമായ വസ്തുതകളാണ് വായനക്കാര്‍ക്ക് നല്‍കിക്കൊണ്ടിരുന്നത്. പഞ്ചാബില്‍നിന്നും ബോംബെയില്‍നിന്നും പ്രസിദ്ധീകരിക്കപ്പെട്ട മുസ്ലിംപത്രങ്ങളായിരുന്നു ഇവരില്‍ മുന്‍പന്തിയില്‍. ഇതേക്കുറിച്ച് മനോരമ എഴുതുന്നു: പുരുഷന്മാരുടെ (മുസ്ലിം) അഭാവത്തില്‍ ദക്ഷിണ മലബാറില്‍ ഹിന്ദുക്കള്‍ നിരാലംബരായ കുട്ടികളെയും അവരുടെ അമ്മമാരെയും പീഡിപ്പിക്കുന്നിന്റെ ഭീകരചിത്രങ്ങളാണ് ഈ ഉര്‍ദുപത്രങ്ങള്‍ പ്രസിദ്ധീകരിക്കുന്നത് (മനോരമ ഒക്ടോ.7, 1922)
ഇങ്ങനെ ഹിന്ദി/ഉര്‍ദു പത്രങ്ങളില്‍ പ്രസിദ്ധീകരിക്കപ്പെട്ട കലാപ വാര്‍ത്തകളാണ് അഖിലേന്ത്യതലത്തില്‍ പ്രവര്‍ത്തിച്ചിരുന്ന ഹിന്ദു മഹാസഭ, ആര്യസമാജം, ജെ ഡി ടി ഇസ്ലാമി തുടങ്ങിയ വര്‍ഗീയ/സാമുദായിക സംഘടനകളെ മലബാറിന്റെ സാമൂഹ്യ മണ്ഡലത്തിലേക്ക് ആനയിക്കപ്പെടുന്നതിനും അവരുടെ പ്രവര്‍ത്തനങ്ങള്‍ക്ക് തുടക്കം കുറിക്കുന്നതിനും നിമിത്തമായത്. ആര്യസമാജിന്റെ മലബാറിലെ പ്രവര്‍ത്തനങ്ങളുടെ പ്രധാന ഊന്നല്‍ 'ഹിന്ദു'എന്നതിന് സുവ്യക്തമായ ഒരു നിര്‍വചനം ഉണ്ടാക്കിയെടുക്കുക എന്നതായിരുന്നു. മതത്തെ അടിസ്ഥാനമാക്കി വ്യതിരിക്തമായ ഒരു വര്‍ഗീയബോധം മലബാറില്‍ വളരുന്നതിന് ഇത്തരം സംഘടകളുടെ പ്രവര്‍ത്തനം തുടക്കം കുറിച്ചു.

ദൈവംഎന്ന അവസ്ഥയുടെ അവസ്ഥാന്തര സിദ്ധാന്തം.


ദൈവത്തിൻെറ ഒരു നിമിഷം മനുഷ്യന് അനേകായിരം വർഷങ്ങളാണ് എന്ന് പറഞ്ഞാൽ അതിൻെറ അർത്ഥവും അവസ്ഥയും എന്താണ് ? ദൈവം സാവധാനത്തിലാണ് ചിന്തിക്കുന്നതും പ്രവർത്തിക്കുന്നതും എന്നേ മനസിലാക്കേണ്ട ആവശ്യമുള്ളു, അതായത് ദൈവം 7 ദിവസം കൊണ്ടല്ല സൃഷ്ടി നടത്തിയത് 7കോടി വർഷം കൊണ്ടാണ് എന്ന് പറയാം ദൈവത്തിൻെറ 7 ദിവസമാണ് കൃത്യമായ കണക്ക് പ്രപഞ്ചത്തിൻെറ വലിയ അവസ്ഥയിലെക്ക് പോകുബോള്‍ 7സഹസ്രകോടിയിലെക്ക് പോകും അതുപോലെ മനുഷ്യൻെറ ഒരു നിമിഷം കമ്പ്യൂട്ടറിന് ഒരു ദിവസം പോലെയാണ് കമ്പ്യൂട്ടറിൻെറ വേഗത കൂടുതോറും അവസ്ഥയിൽ മാറ്റം സംഭവിക്കും, കമ്പ്യൂട്ടർ വളരെ വേഗതയിൽ പ്രവർത്തികൾ ചെയ്യുന്നു എന്നാണ് ഇതിൽ നിന്നും മനസിലാക്കെണ്ടത്,(ദൈവത്തിന്‍െറ ഒരു ദിവസം ആയിരം വര്‍ഷങ്ങള്‍പലെയും ആയിരം വര്‍ഷം ഒരു ദിവസം പോലെയുമാണ്. ഇത് മനുഷ്യനും ദൈവവും തമ്മിലുള്ള ആപേക്ഷിക സമയ സങ്കല്‍പ്പമാണ്.) അപ്പോള്‍ ദൈവം എന്താണ് നിങ്ങളുടെ തലച്ചോറിലെക്ക് ഞാൻ വളരെ ചെറിയ സൂക്ഷമ ജീവിയെപോലെ വന്നാല്‍ ഭൗതികവസ്തുക്കള്‍ നിറഞ്ഞ മറ്റൊരു പ്രപഞ്ചം എന്നപോലെ എനിക്ക് തോന്നു , ഒരുപക്ഷെ നിങ്ങൾ ഇല്ലയെന്നുവരെ പറഞ്ഞെക്കാം, തോന്നലുകളുടെ അടിസ്ഥാനത്തിൽ സമയ ആപേക്ഷികത പറയാറുണ്ട്, ചിലപ്പോള്‍ സമയം പോകാത്തുപോലെയും ചിലപ്പോള്‍ സമയം പോകുന്നത് അറിയുന്നില്ല, സമയം ചെറുതായി എന്നു തോന്നുകയും ചെയ്യും പ്രപഞ്ച മനസ്സിലും ഈ അവസ്ഥ വിശേഷമുണ്ട്, പ്രപഞ്ചമനസ് മനുഷ്യമനസിലെക്ക് കുടിയെറിയപ്പോൾ സമയന്തരാളം ദീർഘിക്കുന്നു ദൂരങ്ങള്‍ സങ്കോചിക്കുന്നു ഇങ്ങനെയാണ് ദൂരത്തെയും സമയത്തെയും കുറിച്ച് ക്ലാസിക്കൽ രീതിയില്‍ ചിന്തിക്കാൻ കഴിയു. ഒരാൾ ചോദിച്ചു ദൈവത്തെ കാണാൻ കഴിയത്ത് എന്തുകൊണ്ടാണ്? ഞാൻ നിങ്ങളുടെ മനസ്സ് എനിക്ക് കാണാൻ കഴിയുമോ? ആയാൾ പറഞ്ഞു ഇല്ല, ഞാൻ തുടർന്നു നിങ്ങളുടെ ശരീരം മാത്രമെ എനിക്ക് കാണാൻ കഴിയു, ഒരു ഇലക്ട്രോൺ മൈക്രോസ്കോപ്പില്‍ നിങ്ങളുടെ മസ്തിഷ്കം നോക്കുകയാണങ്കിൽ നിങ്ങളുടെ സൂക്ഷമ ശരീരം മാത്രമെ കാണു, അപ്പോഴും മനസിനെ കാണാൻ കഴിയില്ല, അതുപോലെ പ്രപഞ്ചമനസ്സും നീ കാണുന്ന പ്രപഞ്ചം ദൈവത്തിൻെറ ശരീരമാണ്, അതുകൊണ്ട് അത് കാണുന്നു, കംമ്പ്യൂട്ടറിനെ നിങ്ങക്കു കാണാൻ കഴിയും സോഫ്റ്റ് വെയറിനെ കാണാൻ കഴിയില്ല, ഇലക്ട്രോൺ മൈക്രോസ്കോപ്പിലും സോഫ്റ്റ് വെയർ കാണാൻ കഴിയില്ല, നിരീശ്വരവാദി നീ ഇതിൽ വിശ്വസിക്കുന്നുണ്ടങ്കിൽ നീ ഒരിക്കലും നിരീശ്വരവാദിയല്ല ദൈവ വിശ്വാസിയാണ്, ഭ്രമം മൂലമാണ് നീ നിരീശ്വരവാദി എന്ന് തോന്നിപ്പിക്കുന്നത്, ദൈവം തൻെറ പരുമിതി മനസിലാക്കിയപ്പോൾ മനുഷ്യനെ സൃഷ്ടിച്ചു മനുഷ്യൻ തൻെറ പരുമിതി മനസിലാക്കിയപ്പോൾ കംമ്പ്യൂട്ടറിനെ സൃഷ്ടിച്ചു. ദൈവത്തിൻെറ സ്വഭാവമാണ് മനുഷ്യനിലും, തത്ത്വമസി അത് നീ തന്നെയാണ്. തത്ത്വമസിയുടെ അതെ ആശയമാണ് ബൈബിളിൽ പറയുന്നത്. 1 ഉല്‍പത്തി : 26.27 ദൈവം വീണ്ടും അരുളിച്ചെയ്യതു : നമുക്ക് നമ്മുടെ ഛായയിൽ സാദൃശ്യത്തിലും മനുഷ്യനെ സൃഷ്ടിക്കാം. കൂടുതൽ വിവരങ്ങള്‍ക്ക്

ഇവിടെ പൂച്ചയാണ് ദൈവം കര്‍ണാടകത്തില്‍ പൂച്ചകളെ ആരാധിക്കുന്ന ഗ്രാമം...


മൈസൂരു: കര്‍ണാടകത്തിലെ ബെക്കലലെ ഗ്രാമവാസികള്‍ക്ക് പൂച്ചയെന്നാല്‍ ദൈവമാണ്‍ മൈസൂരുവില്‍നിന്ന് 90 കിലോമീറ്റര്‍ അകലെ മാണ്ഡ്യയിലെ മദ്ദൂര്‍ താലൂക്കിലുള്ള ഈ ഗ്രാമത്തില്‍ പൂച്ചകളെ ആരാധിക്കാന്‍ പ്രത്യേക ക്ഷേത്രവുമുണ്ട്. മാണ്ഡ്യ-തുമകുരു ജില്ലകളുടെ അതിര്‍ത്തിയിലാണ് ഈ ഗ്രാമം. മഹാലക്ഷ്മിയുടെ പ്രതിരൂപമെന്നനിലയിലാണ് ഗ്രാമവാസികള്‍ പൂച്ചകളെ ആരാധിക്കുന്നത്. ലക്ഷ്മീദേവി ഗ്രാമത്തിലേക്ക് പൂച്ചയുടെ രൂപത്തില്‍ കടന്നുവന്നെന്നും തുടര്‍ന്ന് ആപത്തുകളില്‍നിന്നുള്ള രക്ഷകയായി പ്രവര്‍ത്തിച്ചെന്നുമാണ് ഗ്രാമവാസികളുടെ വിശ്വാസം.
ഇതിനുള്ള നന്ദിസൂചകമായാണ് പൂച്ചകളെ ആരാധിക്കല്‍ ആരംഭിച്ചത്. 1000 വര്‍ഷങ്ങള്‍ക്കുമുമ്പെങ്കിലും ഈ ആരാധന തുടങ്ങിയെന്ന് ക്ഷേത്രത്തില്‍ പൂജചെയ്യുന്ന കുടുംബത്തില്‍പ്പെട്ട ബസവാരാധ്യ പറയുന്നു. അടുത്തടുത്തായി നിര്‍മിച്ചിരിക്കുന്ന മൂന്നുക്ഷേത്രങ്ങള്‍ കൂടിച്ചേര്‍ന്നതാണ് പൂച്ചകള്‍ ആരാധിക്കപ്പെടുന്ന മങ്കമ്മാ ക്ഷേത്രം. ഗ്രാമത്തിലെ മൂന്നു കുടുംബക്കാരാണ് ക്ഷേത്രങ്ങള്‍ പണികഴിപ്പിച്ചത്. പൂച്ചയുടെ വിഗ്രഹമാണ് പ്രതിഷ്ഠ. 60 വര്‍ഷങ്ങള്‍ക്കുമുമ്പാണ് ഇന്നത്തെനിലയില്‍ ക്ഷേത്രം പുതുക്കിപ്പണിതത്. എല്ലാ ചൊവ്വാഴ്ചയും ഇവിടെ പൂജ നടക്കും.
നിരവധി ഗ്രാമവാസികള്‍ ഇതില്‍ പങ്കുകൊള്ളാനെത്തും. എണ്ണൂറോളം കുടുംബങ്ങളുള്ള ഗ്രാമത്തിലെ ഭൂരിഭാഗം വീടുകളിലും ഒന്നോ അതിലധികമോ പൂച്ചകളെ കാണാന്‍ സാധിക്കും. വീടുകളിലും പൂച്ചകളെ പൂജിക്കും. ഗ്രാമത്തിലെ ആരും പൂച്ചകളെ ഉപദ്രവിക്കാറില്ല. അഥവാ അങ്ങനെ ചെയ്യുന്നവര്‍ക്ക് യാതൊരുവിധ മാപ്പും ലഭിക്കില്ലെന്നും ഗ്രാമവാസിയായ ജഗദീഷ് പറയുന്നു. അത്തരക്കാരെ ഗ്രാമത്തില്‍നിന്ന് പുറത്താക്കും. ഗ്രാമത്തില്‍ പൂച്ചയുടെ ജഡം ആരെങ്കിലും കണ്ടെത്തിയാല്‍ അത് സംസ്‌കരിക്കാതെ, കണ്ടെത്തിയയാള്‍ സ്ഥലംവിട്ടുപോവാനും പാടില്ല.
പൂച്ചയ്ക്ക് കന്നഡ ഭാഷയിലുള്ള പദമായ 'ബെക്കു' എന്നതില്‍നിന്നാണ് ഗ്രാമത്തിന് ബെക്കലലെ എന്ന പേരുലഭിച്ചത്. മാര്‍ജാരാരാധനയുടെ ഭാഗമായി ഏതാനും വര്‍ഷങ്ങള്‍ ഇടവിട്ട് ഉത്സവവും ഗ്രാമവാസികള്‍ സംഘടിപ്പിക്കാറുണ്ട്. നാലുദിവസംവരെ നീണ്ടുനില്‍ക്കുന്ന ഉത്സവത്തില്‍ പങ്കെടുക്കാന്‍ ബെംഗളൂരുവില്‍നിന്നടക്കം സന്ദര്‍ശകര്‍ എത്താറുണ്ടെന്ന് ഗ്രാമവാസികള്‍ പറയുന്നു. ഏറ്റവുമൊടുവിലത്തെ ഉത്സവം 10 വര്‍ഷംമുമ്പാണ് നടന്നത്. അടുത്തവര്‍ഷം മാര്‍ച്ചില്‍ ഉത്സവം നടത്താനുള്ള ഒരുക്കത്തിലാണ് ഗ്രാമവാസികള്‍...!!!
എം.എസ്. ശരത്‌നാഥ്

മലയാളത്തിലെ ആദ്യത്തെ കുറ്റന്വഷണ നോവല്‍...


നോവല്‍ :-ഭാസ്ക്കരമേനോൻ
കർത്താവ് :-രാമവർമ്മ അപ്പൻ തമ്പുരാൻ
വര്‍ഷം :-1905
രാമവർമ്മ അപ്പൻ തമ്പുരാൻ
ലയാളത്തിലെ ആദ്യത്തെ കുറ്റാന്വേഷണ നോവലായ ഭാസ്കരമേനോൻ എഴുതിയ ആളാണ് രാമവർമ്മ അപ്പൻ തമ്പുരാൻ. 1875-ൽ തൃപ്പൂണിത്തുറയിൽ ജനിച്ചു. 1902-ൽ കുഞ്ഞിക്കുട്ടൻ തമ്പുരാനുമായി ചേർന്ന് എറണാകുളത്തുനിന്നും രസികമഞ്ജരി എന്ന മാസിക പ്രസിദ്ധീകരിച്ചു. 1929-ൽ കേരളത്തിൽ ആദ്യമായി കേരള സിനിടോൺ എന്ന സിനിമ നിർമ്മാണ കമ്പനിയും ആരംഭിച്ചു. 1915 ൽ ആദ്യമായി കേരളത്തിൽ കാർഷിക വ്യാവസായിക പ്രദർശനം സംഘടിപ്പിച്ചതും ഇദ്ദേഹത്തിന്റെ നേതൃത്വത്തിലാണ്‌
നോവലിനെ കുറിച്ച്...
നോവല്‍ തുടങുന്നതിങനെയാണ്..
ഒന്നാമദ്ധ്യായം
“ ഇഷ്ടന്മാരരികിൽക്കിടന്നു പകലും രാവും പണിപ്പെട്ടതി
ക്ലിഷ്ടം തെല്ലിടകണ്ണടച്ചു കടുദുസ്വപ്നങ്ങൾ കാണുംവിധൌ
കഷ്ടം കശ്മലകാളരാത്രി കഴിയുമുമ്പം ചിലപ്പോൾ മഹാ
ദുഷ്ടന്മാർ ഖല കാലദൂതർ ചിലരെക്കൊല്ലുന്നു കില്ലെന്നിയേ"
കൊല്ലം ആയിരത്തറുപത്തിമൂന്നാമതു തുലാമാസം അഞ്ചാംതീയതി അർദ്ധരാത്രി ഏകദേശം ഒരുമണിയായെന്നു തോന്നുന്നു; അപ്പോൾ പുളിങ്ങോട്ടു കിട്ടുണ്ണിമേനവന്റെ ബങ്കളാവിൽ പൂമുഖത്തു കിടന്നുറങ്ങിയിരുന്നവരിൽ പടിഞ്ഞാറെ അറ്റത്തു ജനാലയുടെ നേരെ കിടന്നിരുന്ന ഒരാൾ ഞെട്ടി ഉണൎന്നു കിടന്ന കിടപ്പിൽതന്നെ ഇടത്തും വലത്തും തിരിഞ്ഞുനോക്കി, കുറച്ചു നേരം ചെവി ഓൎത്തുകൊണ്ടു മിണ്ടാതെ കിടന്നു.....
മലയാളത്തിലിറങ്ങിയ ആദ്യത്തെ അപസർപ്പകനോവലാണ് രാമവർമ്മ അപ്പൻ തമ്പുരാൻ രചിച്ച ഭാസ്ക്കരമേനോൻ. 1905-ലാണ് ഇത് പുറത്തിറങ്ങിയത്.
ഒരു നായർ തറവാട്ടിലെ കാരണവരുടെ കൊലപാതകത്തിന്റെ അന്വേഷണമാണ് ഇതിലെ കഥ. നോവലിന്റെ ശീർഷകകഥാപാത്രമായ ഭാസ്ക്കരമേനോൻ, ബുദ്ധിപരവും ശാസ്ത്രീയവുമായ രീതികളിലൂടെ, ഈ കൊലപാതകം അന്വേഷിക്കുന്ന പോലീസ് ഉദ്യോഗസ്ഥനാണ്. അനുമാനങ്ങളിലെത്താൻ ഭാസ്ക്കരമേനോൻ സ്വീകരിക്കുന്ന രീതികൾ, ഷെർലക് ഹോംസ് ശൈലിയോട് സാദൃശ്യമുള്ളതാണ്.12 അദ്ധ്യായങളാണ് ഇതിലുള്ളത്..തികച്ചും വെത്യസ്തമായ ശൈലിയും ഒരു സസ്പെന്‍സ് നിലനിറുത്തുന്നു ഒാരോ അദ്ധ്യായങളിലും..100 വര്‍ഷങള്‍ക്ക് മന്‍പ് എഴുതിയ ഈ നോവല്‍ ഇന്നും പുതുമ നിലനിര്‍ത്തുന്നു...
പന്ത്രണ്ടാമദ്ധ്യായം
"....ഇൻസ്പെക്ടർ പണി രാജിവച്ചു. ആ സ്ഥാനത്തേക്കു ഭാസ്ക്കരമേനവനാണു് കയറ്റം കിട്ടീയതു്. ബുദ്ധികൊണ്ടും പഠിപ്പുകൊണ്ടും ഐശ്വൎയ്യംകൊണ്ടും ഇത്ര യോഗ്യനായ ഒരു സ്റ്റേഷനാപ്സർ ഉണ്ടാകുന്നതു് അസാധാരണയല്ല എന്നു വായനക്കാർ ശങ്കിക്കുന്നുവെങ്കിൽ ഇദ്ദേഹം ഒരു നാടുവാഴിപ്രഭുവാണെന്നും പോലീസ്സുവേലയിലുള്ള ആസക്തികൊണ്ടുമാത്രം ഈ പണിയിൽ പ്രവേശിച്ചതാണെന്നും വെളിവായി പറഞ്ഞുകൊള്ളുന്നു. കിട്ടുണ്ണിമേനവന്റെ സ്വത്തിൽ, കാൎയ്യസ്ഥനും മറ്റുള്ളവൎക്കും കൊടുത്തതുകഴിച്ചു ബാക്കിയുള്ളതു പരിവട്ടത്തുകാരും ചേരിപ്പറമ്പുകാരും നേർപകുതി വിഭജിച്ചു. വളരെ കാലതാമസംകൂടാതെ അമ്മുവിനു കൃഷ്ണൻകുട്ടിമേനവനും, ദേവകിക്കുട്ടിക്കു കുമാരൻനായരും വീട്ടുകാരുടെ അന്യോന്യമുള്ള പൂൎണ്ണസമ്മതത്തോടുകൂടി, സംബന്ധവും തുടങ്ങി"
ഒരിക്കലെങ്കിലും വായിക്കുക...
Image may contain: 1 person
No automatic alt text available.

ചരിത്രത്തിൽ ഇടം നേടിയ വളർത്തു മൃഗങ്ങൾ


1972–ൽ അമേരിക്കൻ സൈന്യത്തിൽ സന്ദേശവാഹക ജോലിക്കായി നായ്ക്കളെ നിയമിച്ചിരുന്നു. അവിടെ ജോലി ചെയ്തിരുന്ന നായ്ക്കൾ സന്ദേശമെത്തിക്കുന്നതിൽ അങ്ങേയറ്റം വൈദഗ്ധ്യം പുലർത്തിയിരുന്നു. അത്തരത്തിൽ ഏറ്റവും പ്രശസ്തനായ ഒരു നായയത്രെ റോബിൻസൺ. ടെക്സസിലെ ഫോർട്ട്സാൻ ഹൂസ്റ്റൺ എന്ന സ്‌ഥലത്തുനിന്ന് 2300 മൈൽ അകലെയുള്ള മെയിൻ നഗരംവരെ സന്ദേശവുമായി സഞ്ചരിച്ച് റിക്കാർഡ് സൃഷ്‌ടിച്ചു ആ നായ. അതിന്റെ ഉടമസ്‌ഥൻ അമേരിക്കൻ പട്ടാള ഉദ്യോഗസ്‌ഥനായ ജോൺ സ്റ്റീഫൻസൺ ആയിരുന്നു. കോടിക്കണക്കിനു സ്വത്തുക്കളുടെ ഉടമകൂടിയായിരുന്നു അദ്ദേഹം. തന്റെ ഏക പുത്രനും നായയ്ക്കുമായി സ്വത്തുക്കൾ തുല്യമായി വീതിച്ചുകൊണ്ടുള്ള മരണപത്രമാണ് തയാറാക്കിയിരുന്നത്.
ലണ്ടനിലെ ബ്രിട്ടീഷ് മ്യൂസിയത്തിൽ മഞ്ഞക്കളറുള്ള ഔദ്യോഗികവേഷവും ധരിച്ച് ജോലി ചെയ്തിരുന്ന ഒരു പൂച്ചയായിരുന്നു പുസി ആൻ. മ്യൂസിയത്തിലെ വിലയേറിയ കയ്യെഴുത്തുപ്രതികൾ എലികളിൽനിന്നു സംരക്ഷിക്കുക എന്നതായിരുന്നു അവളുടെ ജോലി. ഒരു വർഷത്തിൽ ഭക്ഷണത്തിനുപുറമെ 75 പൗണ്ടായിരുന്നു ശമ്പളം. പുസി ആൻ റിട്ടയർ ചെയ്തപ്പോൾ അവളെ വിലയ്ക്കു വാങ്ങിയത് മേരി തോംസൺ എന്ന ധനികയായ ഒരു മദാമ്മയായിരുന്നു. അവർ തന്റെ സ്വത്തുക്കൾ മുഴുവനും പുസി ആരിന്റെ പേരിലാണ് എഴുതിവച്ചത്.
അമേരിക്കയിലെ മിനിപ്പൊലീസിൽ വച്ച് തൊണ്ണൂറ്റി രണ്ടാം വയസിൽ അന്തരിച്ച വില്യംമോഴ്സ് എന്ന കോടീശ്വരന് അനന്തരാവകാശികൾ ഉണ്ടായിരുന്നില്ല. ധാരാളം ഹോട്ടലുകളും വ്യവസായസ്‌ഥാപനങ്ങളുമുണ്ടായിരുന്ന ആ റിട്ടയേഡ് എൻജിനിയർ തന്റെ പതിനഞ്ചു ലക്ഷം ഡോളർ വിലവരുന്ന സ്വത്തുക്കൾ ഹെൻറി ബർനീഡ് എന്ന ഭവനസൂക്ഷിപ്പുകാരനും താൻ വളർത്തിയിരുന്ന അഞ്ച് നായ്ക്കൾക്കുമായി വിൽപ്പത്രത്തിൽ എഴുതിവച്ചു. പുസ്കി എന്ന വളർത്തു നായയ്ക്ക് പതിനായിരം ഡോളറും വീടും എഴുതിവച്ച് ഹാരിസൺ ബ്രൂ എന്നൊരു ഡ്രൈവറും ചരിത്രം സൃഷ്‌ടിക്കുകയുണ്ടായി.
വടക്കെ ഓസ്ട്രേലിയയിലെ പ്രീമിയർ അസലൈഡ് നായ വളർത്തൽ കേന്ദ്രത്തിൽനിന്ന് 75000 ഡോളർ വില നല്കി റോബർട്ട് പേൾ ഹാംസ്, റിബാരോ എന്ന നായയെ ലേലത്തിൽ വാങ്ങി. തന്റെ സന്തതസഹചാരിയായി മാറിയ ആ നായയെക്കുറിച്ച് പേൾ ഒരു പുസ്തകം തന്നെ
രചിച്ചു. ഓസ്ട്രേലിയയിലെ മൃഗസ്നേഹികൾ ഏറ്റവും ഇഷ്‌ടപ്പെടുന്ന പുസ്തകവും ഇതുതന്നെ. അവിവാഹിതനായിരുന്ന ആ വ്യവസായപ്രമുഖൻ അന്തരിക്കുന്നതിനുമുമ്പ് തന്റെ കണക്കറ്റ സ്വത്തുക്കൾ റിബാരോയുടെ പേരിൽ എഴുതിവച്ചു. സ്വത്തുക്കൾ കൈകാര്യം ചെയ്യാൻ അറിയാൻ പാടില്ലാത്തതിനാൽ റിബാരോയുടെ സംരക്ഷണച്ചുമതല ഓസ്ട്രേലിയൻ ഭരണകൂടം ഏറ്റെടുക്കുകയാണുണ്ടായത്.
കടപ്പാട് സുജിത്
Image may contain: dog

പാസ്റ്റ് ലൈഫ് റിഗ്രഷന്‍ (PLR) (CHURULAZHIYATHA RAHASYANGAL)


PLR അഥവാ പാസ്റ്റ് ലൈഫ് റിഗ്രഷന്‍ ധാരണകളും തെറ്റി ധാരണകളും...
ഇന്ന് നമ്മള്‍ ഓരോരുത്തരിലും കുടികൊള്ളുന്നത് കാലങ്ങളായി നില നിന്നിരുന്ന ഒരു ബോധം അഥവാ ആത്മാവ് ആണ് എന്നുള്ളതാണ് ഈ സങ്കല്‍പ്പത്തിന്റെ അടിസ്ഥാനം. ആത്മാവിനു നിലനില്‍ക്കുവാനും സാധാരണ ജീവിതം നയിക്കുവാനും ഉള്ള മാധ്യമം എന്ന രീതിയില്‍ ഒരു ശരീരം അത്യന്താപേക്ഷിതം ആണ്.ആ ശരീരത്തില്‍ നില നിന്നുകൊണ്ട്, സാധാരണ ജീവിതം നയിക്കുന്നതിലൂടെ, വ്യത്യസ്തമായ അനുഭവങ്ങളിലൂടെ കടന്നു പോവുകയും അവ നല്‍കുന്ന അറിവ് ആര്‍ജ്ജിക്കുകയും അതിലൂടെ ശുദ്ധീകരണം സംഭവിച്ചു ഉന്നതങ്ങളായ അവസ്ഥാന്തരങ്ങളില്‍ എത്തിചേരുകയും അത്രേ ഓരോ ആത്മാവിന്റെയും ലക്‌ഷ്യം.ഇത്തരത്തില്‍ കൈക്കൊള്ളുന്ന ഓരോ ശരീരത്തിന്റെയും കാല പരിധി കഴിയുമ്പോള്‍ (മരണം സംഭവിക്കുമ്പോള്‍) ഒരു ചെറിയ കാലയളവില്‍ ആത്മാവ് അരൂപി ആയി, മറ്റൊരു തലത്തില്‍ നില നില്‍ക്കുന്നുവത്രേ. ഒരു ഒരു നിശ്ചിത കാലയളവിനു ശേഷം, മറ്റൊരു ആത്മാന്വേഷണത്തിന്റെ ഭാഗമായി, സ്വയം തീരുമാന പ്രകാരം, ഉചിതമായ സാഹചര്യങ്ങളില്‍, അനുചിതമായ മറ്റു വ്യക്തികളോടൊപ്പം വീണ്ടും പുനര്‍ജനിക്കുവാന്‍ ഇടവരുന്നു. ഓരോ ജന്മങ്ങളിലും അനുഭവങ്ങളോടും,അറിവുകളോടും ഒപ്പം, കര്‍മ ഭലമായി ഉണ്ടാകുന്ന ബാധ്യതകളും അവനെ പിന്‍തുടരുന്നതായി കണക്കാക്കുന്നു.അതായത് വ്യക്തി ബന്ധങ്ങളിലും,സ്നേഹ ബന്ധങ്ങളിലും ഉണ്ടാകുന്ന അപൂര്‍ണ്ണത,ജന്മ സിദ്ധം എന്ന് സാധാരണ നിലയില്‍ നാം കരുതുന്ന ചില കഴിവുകള്‍,ശാരീരികവും മാനസീകവും ആയ ചില പ്രത്യേകതകള്‍,ചില ശാരിക/ മാനസീക വൈകല്യങ്ങള്‍ തുടങ്ങിയവ പില്‍ കാല ജന്മങ്ങളിലും പിന്‍ തുടരുകയും, ആനുപാതികമായ ജീവിത രീതികളിലൂടെയും,അനുഭവങ്ങളിലൂടെയും കടന്നു പോകുവാന്‍ ഇടവരികയും ചെയ്യുന്നതായാണ് ഈ രംഗത്തെ പഠനങ്ങള്‍ സൂചിപ്പിക്കുന്നത്.ഇത്തരത്തില്‍ അനുഭവപ്പെടുന്ന ശാരീരിക മാനസീക വൈകല്യങ്ങളെ പരിഹരിക്കുവാനും,പൂര്‍വ ജന്മങ്ങളെ കുറിച്ച് പഠനങ്ങള്‍ നടത്തുവാനും ആണ് പൊതുവേ P.L.R ഉപയോഗപ്പെടുത്തുന്നത്.
പലപ്പോഴും തെളിവുകളുടെയും,യുക്തിയുടെയും അഭാവം കാരണം P.L.R നെ ശാസ്ത്രീയമെന്നു കണക്കാക്കുവാന്‍ നിര്‍വാഹമില്ല. വ്യത്യസ്തങ്ങളായ പല മാര്‍ഗങ്ങളിലൂടെ പാസ്റ്റ് ലൈഫ് റിഗ്രഷന്‍ ചെയ്യാവുന്നതാണ്.അതില്‍ പ്രമുഖവും താരതമ്യേന ലളിതവും ആണ് ഹിപ്നോട്ടിസത്തിന്റെ സഹായത്തോടെ ചെയ്യപ്പെടുന്ന ഏജ് രിഗ്രഷന്‍ എന്ന രീതി.ഇതിലൂടെ മനുഷ്യ മനസിന്റെ ഉപബോധ, അബോധ തലങ്ങളിലേക്ക് കടക്കുവാന്‍ സാധിക്കും.ഈ തലങ്ങളില്‍ മുന്‍ ജന്മങ്ങളെ കുറിച്ചുള്ള വ്യക്തമായ അറിവുകള്‍ ലഭ്യം ആയി കാണുന്നു.മുന്‍ ജന്മത്തിലെ പേര്, കാല ഘട്ടം,ജീവിത രീതികള്‍,കൂടെ ഉണ്ടായിരുന്നവര്‍, ഏതു വിധത്തിലാണ് മരണം സംഭവിച്ചത് തുടങ്ങിയ വിവരങ്ങള്‍ അതാതു വ്യക്തികളില്‍ നിന്ന് തന്നെ അറിയുവാന്‍ സാധിക്കും.ഇതില്‍ പലതും സാമാന്യ ബുദ്ധിക്കും, യുക്തിക്കും നിരക്കുന്നത് ആണെങ്കില്‍ പോലും, ചിലതെങ്കിലും എന്തൊക്കെയോ കാരണങ്ങള്‍ കൊണ്ട് ഇവക്കു വിപരീതമായും കാണപ്പെടുന്നു.പക്ഷെ എന്ത് തന്നെ ആയാലും വിധേയന്‍ ആവുന്ന വക്തിയുടെ പ്രശ്ന പരിഹാരത്തിന് ഈ വിവരങ്ങള്‍ ഒട്ടേറെ സഹായകരം ആവുന്നുണ്ട്‌. അകാരണം ആയ ഭയം,ചില ശാരീരിക മാനസീക വൈകല്യങ്ങള്‍, വ്യക്തി ബന്ധങ്ങളിലെ ചില അപാകതകള്‍ചില കാര്യങ്ങളോടുള്ള അമിതമായ ആസക്തിയോ വിരക്തിയോ , തുടങ്ങിയ പലതും ഇതിലൂടെ പരിഹരിക്കുവാന്‍ കഴിയുന്നുണ്ട് എന്നത് വാസ്തവമാണ്.വിധേയനാകുന്ന വ്യക്തിയുടെ ചില ഭാവനകളുടെയോ, തോന്നലുകലുടെയോ മാത്രം അടിസ്ഥാനത്തില്‍ പറയപ്പെടുന്ന വിവരണങ്ങലായും ചിലര്‍ ഇതിനെ കരുതുന്നുണ്ട്.അങ്ങനെയാണെങ്കില്‍ പോലും പ്രശ്നപരിഹാരത്തിനുള്ള സാധ്യതകള്‍ അവിടെയും ലഭ്യമാണ്.അതായത് വിധേയന്റെ അത്തരം തോന്നലുകളെയോ,മിഥ്യാ ധാരണകളെയോ അംഗീകരിച്ചു കൊണ്ട് തന്നെ, ഉചിതമായ നിര്‍ദ്ദേശങ്ങളിലൂടെ വളരെ ലളിതവും, വേഗത്തിലും ഉള്ള പരിഹാരം പാസ്റ്റ് ലൈഫ് റിഗ്രഷന്‍ തെറാപ്പിയിലൂടെ സാധ്യമാണ്.
ഇതിലെ രസകരമായ മറ്റൊരു വസ്തുത എന്തെന്നാല്‍, P.L.R ലൂടെ കടന്നു പോകുമ്പോള്‍, ഒരു മരണത്തിനും മറ്റൊരു ജനനത്തിനും ഇടയിലെ (ജനനത്തിനു മുന്‍പുള്ള) ശരീരമില്ലാത്ത അവസ്ഥയെ കുറിച്ചും അറിയുവാന്‍ സാധിക്കും.അവിടെ ഇന്ന് നമ്മുടെ മതങ്ങള്‍ പറയുന്ന സ്വര്‍ഗ്ഗ, നരക, ദൈവ സങ്കല്‍പ്പങ്ങള്‍ക്ക് ഒന്നും ഒരു പ്രസക്തിയും കാണുന്നില്ല.അതായത് ഏതു മത വിഭാഗത്തില്‍ വിശ്വസിക്കുന്നയാളും , വിശ്വാസം ഇല്ലാത്ത ആളും ഏറെകുറെ ഒരേ രീതിയില്‍ തന്നെ ആയിരിക്കും ഈ അവസ്ഥയെ കുറിച്ച് വിവരിക്കുന്നത്.അതായത് വ്യക്തി ജന്യമായ വിശ്വാസങ്ങള്‍ ഒന്നും തന്നെ ഇത്തരം വിവരണങ്ങളില്‍ വ്യത്യസ്തതകള്‍ സൃഷ്ടിക്കുന്നില്ല .അത് പോലെ തന്നെ ഇപ്പോള്‍ ഒരു പ്രത്യേക മതത്തില്‍ വിശ്വസിക്കുന്ന തീവ്ര വിശ്വാസിയായ ഒരു വ്യക്തിയാണെങ്കില്‍ പോലും, പലപ്പോഴും മുന്‍ ജന്മത്തില്‍ മറ്റൊരു മതത്തില്‍പെട്ടയാള്‍ ആയും കാണുന്നുണ്ട്.ഇത്തരത്തിലുള്ള രസകരവും, ആശ്ചര്യ ജനകവും ആയ ഒട്ടേറെ അനുഭവങ്ങളിലൂടെ കടന്നു പോകുവാന്‍ ഈ രംഗത്ത് പ്രവര്‍ത്തിക്കുന്നതിലൂടെ അവസരം ലഭിട്ടുണ്ട്.സത്യമോ മിഥ്യയോ എന്നതിനപ്പുറം ശാസ്ത്രത്തിനോ, മരുന്നുകള്‍ക്കോ, ഉപകരണങ്ങള്‍ക്കോ പരിഹാരം കാണാന്‍ കഴിയാത്ത പല ആകുലതകളും പാസ്റ്റ് ലൈഫ് രിഗ്രഷന്‍ തെറാപ്പിയിലൂടെ പരിഹരിക്കുവാന്‍ കഴിയുന്നുണ്ട്......
Image may contain: sky, text, outdoor and water

ചെറുപ്പത്തിലെ മുടി കൊഴിച്ചിലിന് പരിഹാരം (malayalam health tips )


ചെറുപ്പത്തിലെ മുടി കൊഴിച്ചില്‍ പലരേയും ടെന്‍ഷനാക്കുന്ന ഒന്നാണ്. എന്നാല്‍ പലപ്പോഴും ഇതിന് പരിഹാരം തേടി ഉള്ള മുടി കൂടി പോവുന്ന അവസ്ഥയില്‍ കാര്യങ്ങള്‍ എത്തുന്നു. എന്നാല്‍ ഇനി ഇത്തരത്തില്‍ പല വിധത്തില്‍ മരുന്നുകള്‍ ഉപയോഗിക്കുമ്ബോള്‍ അത് ഉള്ള മുടിയെക്കൂടി ഇല്ലാതാക്കുകയാണ് ചെയ്യുന്നത്. ചെറുപ്പത്തില്‍ മുടി കൊഴിയുമ്ബോള്‍ അത് പ്രായമാകുന്നതോടു കൂടി മുടി മുഴുവന്‍ കൊഴിഞ്ഞ് പോവാന്‍ വരെ സാധ്യതയുണ്ടാവുന്നു.
എന്നാല്‍ ഇനി ചില കാര്യങ്ങളില്‍ ശ്രദ്ധിച്ചാല്‍ ചെറുപ്പത്തില്‍ തന്നെയുള്ള മുടി കൊഴിച്ചില്‍ നമുക്ക് ഇല്ലാതാക്കാം. അതിനായി ഭക്ഷണ കാര്യത്തിലും എണ്ണ തേക്കുന്ന കാര്യത്തിലും അല്‍പം ശ്രദ്ധ നല്‍കിയാല്‍ മതി. എന്തൊക്കെയാണ് ഇത്തരത്തില്‍ പുരുഷന്‍മാരിലെ മുടി കൊഴിച്ചിലിന് പരിഹാരം കാണാന്‍ സഹായിക്കുന്ന മാര്‍ഗ്ഗങ്ങള്‍ എന്ന് നോക്കാം. ഇത്തരം കാര്യങ്ങളില്‍ അല്‍പം ശ്രദ്ധ നല്‍കിയാല്‍ അത് മുടി കൊഴിച്ചിലിന് പല വിധത്തില്‍ പരിഹാരം കാണാന്‍ സഹായിക്കുന്നു.
മുടി കൊഴിച്ചില്‍ ഒരു പരിധി വരെ ഭക്ഷണത്തിലൂടെ മാറ്റിയെടുക്കാവുന്നതാണ്. മുടി കൊഴിച്ചിലും കഷണ്ടിയും നരയും എല്ലാം ഭക്ഷണത്തിലൂടെ പരിഹാരം കാണാന്‍ സഹായിക്കുന്ന ഒന്നാണ്. എന്തൊക്കെയാണ് ഇത്തരത്തില്‍ മുടി കൊഴിച്ചില്‍ ഇല്ലാതാക്കാന്‍ സഹായിക്കുന്ന ഭക്ഷണ മാര്‍ഗ്ഗങ്ങള്‍ എന്തൊക്കെയെന്ന് നോക്കാം.
മധുരക്കിഴങ്ങ്
മധുരക്കിഴങ്ങ് കഴിയ്ക്കുന്നത് മുടി വളര്‍ച്ചയെ സ്വാധീനിയ്ക്കുന്ന ഒന്നാണ്. ഇതിലടങ്ങിയിരിക്കുന്ന ബീറ്റാ കരോട്ടിന്‍ ശരീരത്തില്‍ വെച്ച്‌ വൈറ്റമിന്‍ എ ആയി മാറുന്നു. ഇത് മുടിയുടെ അറ്റത്തേക്കുള്ള ഓക്സിജന്റെ ആഗിരണം സുഗമമാക്കുന്നു. ഇത് മുടി വളര്‍ച്ചക്കും മുടി കൊഴിച്ചില്‍ ഇല്ലാതാക്കുന്നതിനും സഹായിക്കുന്നു.
ഗ്രീന്‍പീസ്
ഗ്രീന്‍പീസ് മുടിയുടെ വേരുകള്‍ക്ക് ബലം നല്‍കുന്നു. എല്ലാ ജീവകങ്ങളും ഇതില്‍ അടങ്ങിയിട്ടുണ്ട് എന്നത് ആരോഗ്യവും നല്‍കുന്നു. ഭക്ഷണശീലത്തിന്റെ ഭാഗമാക്കുക ഇത്.
കാപ്സിക്കം
കാപ്സിക്കവും ഇത്തരത്തില്‍ ഭക്ഷണശീലത്തിന്റെ ഭാഗമാക്കിയാല്‍ മുടി വളര്‍ച്ച ഉണ്ടാവും. തവിടടങ്ങിയ ധാന്യങ്ങളും നല്ലതാണ്. സമൃദ്ധമായി മുടിവളരാന്‍ തേങ്ങാപാല്‍
തുവരപ്പരിപ്പ്
തുവരപ്പരിപ്പ് ആരോഗ്യത്തിന് മാത്രമല്ല ഇത് മുടി വളര്‍ച്ചയെ സഹായിക്കുന്ന ഒന്നാണ്. ഓക്സിജന്‍ ആഗിരണം ചെയ്യാന്‍ സഹായിക്കുന്ന ഭക്ഷ്യവസ്തുക്കളില്‍ പ്രധാനമാണ് ഇത്. ഇതും മുടി കൊഴിച്ചില്‍ ഇല്ലാതാക്കുന്നു.
ഇലക്കറികള്‍
ഇലക്കറികള്‍ ഭക്ഷണത്തില്‍ കൂടുതല്‍ ഉള്‍പ്പെടുത്താന്‍ ശ്രദ്ധിക്കുക. മാത്രമല്ല ആരോഗ്യത്തിന്റെ കാര്യത്തില്‍ ശ്രദ്ധ കൊടുക്കുന്നവര്‍ക്കും ഇത് മികച്ച്‌ നില്‍ക്കുന്നതാണ്. പലപ്പോഴും ആരോഗ്യസംബന്ധമായ പ്രശ്നങ്ങള്‍ക്ക് പരിഹാരം കാണാനും ഇലക്കറികള്‍ സഹായിക്കുന്നു.
വെളുത്തുള്ളി, സവാള, ഇഞ്ചി
വെളുത്തുള്ളി. സവാള, ഇഞ്ചി തുടങ്ങിയവയുടെ നീര് ഉറങ്ങുന്നതിനു മുന്‍പ് തലയോട്ടിയില്‍ തേച്ചു പിടിപ്പിക്കുന്നത് നല്ലതാണ്. ഇത് രാവിലെ കഴുകിക്കളയാം. മുടി വളര്‍ച്ച ത്വരിത ഗതിയിലാക്കാന്‍ ഇത്രയും പറ്റിയ വഴി വേറെയില്ല.
റെഡ് മീറ്റ്
റെഡ് മീറ്റ് കൊണ്ട് പല വിധത്തിലുള്ള ആരോഗ്യസംബന്ധമായ പ്രശ്നങ്ങള്‍ക്കും പരിഹാരം കാണാന്‍ സഹായിക്കും. എന്നാല്‍ ഇത് പല തരത്തിലുള്ള പ്രശ്നങ്ങള്‍ക്കും പരിഹാരം കാണാന്‍ സഹായിക്കുന്നു. മുടി കൊഴിച്ചിലിന് പരിഹാരം കാണാനും ഉത്തമമാണ്.
മത്തങ്ങയുടെ കുരു
മത്തങ്ങ മാത്രമല്ല മത്തങ്ങയുടെ കുരുവും ഭക്ഷണമാക്കുന്നത് മുടിയുടെ ആരോഗ്യം വര്‍ദ്ധിപ്പിക്കും. ഒമേഗ 3 ഫാറ്റി ആസിഡ് ധാരാളമുണ്ട് എന്നതാണ് ഇതിന്റെ പ്രത്യേകത. മത്സ്യവിഭവങ്ങളും നല്ലതാണ്.
മാനസിക സമ്മര്‍ദ്ദം കുറയ്ക്കുക
മാനസിക സമ്മര്‍ദ്ദം മുടി കൊഴിച്ചില്‍ ഇല്ലാതാക്കാന്‍ സഹായിക്കുന്ന ഒന്നാണ്. മാനസികമായും ശാരീരികമായും പ്രശ്നങ്ങളുണ്ടാക്കുന്നത് മുടി കൊഴിച്ചിലിന് പരിഹാരം നല്‍കുന്നു. മാനസിക സമ്മര്‍ദ്ദം കുറയ്ക്കുന്നതാണ് ഏറ്റവും നല്ലത്..
– അറിവ് ഷെയര്‍ ചെയ്യുക